تبریز جنوبی آذربایجانین پایتختی و ایرانین اهالی‌سینه گؤره ۵-جی ان بؤیوک شهری، شرقی آذربایجان اوستانینین اینضیباطی مرکزی. تبریز شهری آذربایجان‌لیلارین معنوی و مدنی پایتختی حساب اولونور.

Kult.az خبر وئریر کی، شهر هله ائرامیزدان اول شهر-قالا اولوب. آشور حکمداری ۲-جی سارقونا (ائ.ا.۷۲۲-۷۰۵) مخصوص کیتابه‌ده اونون ائ.ا. ۷۱۶-جی ایل ده ماننا اؤلکه‌سینه داخیل اولدوغو، اوشکایانی آلدیقدان سونرا محکملندیریلمیش تاروی-تارماکیس قالاسینا گلیب چاتدیغی قید اولونور. ۲-جی سارقونون کیتابه‌سین‌ده دئییلیردی: «تارماکیس قالاسینین دیوارلاری ایکیقات ایدی. اورادا فرات چایی قدر گئنیش اولان کانال وار، اونون اطرافی ایسه قالین مئشه‌لیکلرله احاطه اولونموشدو. شهرده گؤزل بینالار وار ایدی... من تارماکیس شهرینه هوجوم ائد‌ن زامان اهالی بورانی ترک ائدیب چؤللره قاچدی. بو محلی اله کئچیردیم، مدافعه اهمیتی اولان ایستحکام وضعیتینه سالینمیش یاشاییش یئرلری آراسین‌دا دؤیوشه باشلادیم».

سهند داغینین اتیین‌ده یئرلشدیی و محکم ایستحکام قالالارینا مالیک اولدوغو اوچون تارماکیس حربی-ایستراتژی باخیمین‌دان دا خصوصی اهمیت کسب ائدیب. قالا اؤزو ده سو ایله دولدورولموش، درین کاناللارلا احاطه اولونوب.

قدیم تبریزین کؤهنه شکیللرینی اوخوجولارا تقدیم ائدیریک: