آخار. آذ «بیر شکلین تاریخچه‌سی» روبریکاسین‌دا نؤوبتی فوتونو تقدیم ائدیر.

بو شکیل ۱۹۸۲-جی ایل ایول آیینین سونلاری، آوقوست آیینین اووه‌لرین‌ده همین واخت آذربایجان کپ مک-نین بیرینجی کاتیبی اولموش حیدر علیئوین داغلیق قاراباغ موختار ویلایتینه سفری زامانی شوشادا چکیلیب.

حیدر علیئوین بؤیوک احتیراملا گؤروشدویو بو آغساققال شوشالیلارین یاخشی تانیدیغی داغ ایسماییل‌دیر (ایسماییل آلیشوو).

ایسماییل کیشینین حیدر علیئوله بیرینجی گؤروشو ۱۹۸۲-جی ایلده ملا پناه واقیفین مقبره‌سینین آچیلیشی عرفه‌سین‌ده اولوب. حیدر علیئوین رایون ساکینلری ایله گؤروشو زامانی داغ ایسماییل اونا یاخینلاشاراق ائوینه قوناق دعوت ائدیب:

- یولداش علیئو، بونلار سیزه (حیدر علیئوین یانین‌دا دوران داغ‌لیق قاراباغ موختار ویلایتینین بیرینجی کاتیبی بوریس گئوورکووو و ویلایتین دیگر ارمنی رهبرلرینی گؤستریب) یاخشی یئمک وئرمه‌یه‌جکلر، قازانیمیز اوجاغین اوستونده‌دیر، گئدک قوناغیمیز اولون.

حیدر علیئو آغساققالین تکلیفینی «ماراقلا» قارشیلاییب، داغ ایسماییللا آیاقوستو بیر نئچه دقیقه صحبت ائدیب و تشکرونو بیلدیریب.

همین ایلین ایول آیین‌دا شوشایا یئنی‌دن سفر ائد‌ن حیدر علیئو رایون ساکینلری ایله گؤروشنده داغ ایسماییلی خبر آلیر. صحتین‌ده پروبلئم اولان ایسماییل کیشی نؤوبتی دفعه حیدر علیئوله گؤروشور.

حیدر علیئو ایسماییل کیشی ایله مهریبان گؤروشه‌رک حال-احوال توتور، پروبلئملری ایله ماراق‌لانیر، بیر خواهیشینین اولوب-اولمادیغینی سوروشور. داغ ایسماییل میننتدارلیغینی بیلدیریره‌رک خواهیشینی دئییر:

- یولداش علیئو، هر شئی قایداسین‌دادیر، هئچ بیر پروبلمیمیز یوخدور، سیزدن یالنیز بیر خواهیشیم وار. او گؤیده‌کی کیشییه دئیین کی، ازراییلی دالیمجا بیر آز گئج گؤندرسین...

حیدر علیئو داغ ایسماییلین خواهیشین‌دن تبسمله ایمتینا ائدیر:

- ایسماییل کیشی، من او کیشینین ایشینه قاریشا بیلمره‌م...