ایرانین آمریکایا پاکستان واسطه‌سیله تکلیفلر تقدیم ائتدیی حاقدا «آکسیوس»اون یایدیغی معلومات رسمی شکیل‌ده تصدیق اولونماسا دا، رئاللیغا یاخین‌دیر. عباس عراقچینین اسلام آبادا سفری بونا حسابلانمیشدی، ترامپ دا ایکی گون اؤنجه «یئنی تکلیفلر» آلدیقلارینی بیلدیرمیشدی.

دانیشیقلارین غیری-معین‌لییی فونون‌دا داوام ائد‌ن دنیز بلوکاداسی ایران اوچون پرسپکتیولری چتینلشدیریر. موجود وضعیتدن چیخیش یولو تاپماق و ممکن حربی سناریلردن یایینماق دانیشیقلارلا باغلی معین‌لیک الده ائتمکدن کئچیر.

تکلیف اوچ کونکرت بنددن عبارت‌دیر:

- آمریکا دنیز بلوکاداسینی آرادان قالدیریر؛

- ایران هرمز بوغازینی آچیر (صحبت کئچیده پروبلملر یاراتماق تاکتیکاسین‌دان امتنا ائتمکدن گئدیر)؛

- یالنیز بوندان سونرا ایرانین نووه پروگرامی ایله باغلی معین گذشتلرین مذاکره‌سی باشلاییر.

دانیشیقلارین، ائله محاربه‌نین ده اساس نووه‌سینی تشکیل ائد‌ن نووه پروگرامی ایله باغلی بند ایران اوچون ایکی تاکتیکی گئدیشه حسابلانیب:

۱. آمریکلانین موقعین‌ده لویاللیغا نایل اولماق و دانیشیقلاردا معین انکشاف خطی یاراتماق؛

۲. هرمز بوغازی ایله باغلی ایستکلرینین معین حیصه‌سینی قبول ائتدیرمک.

لاکین بونا قدر قت ائدیلمه‌لی مسافه وار: بلوکادا و هرمز اوزرینده قارشی‌لیقلی راضیلاشما الده ائدیلمه‌لیدیر. کی، بو، ممکن اولاجاق‌می؟

دنیز بلوکاداسی آمریکا، هرمز کارتی ایران اوچون اساس ریچاق اولاراق قالیر. طرفلر چتین سئچیم قارشیسیندادیرلار: یا قارشی‌لیقلی گذشته گئدیلمه‌لی، یا دا «هانسی طرف سونا قدر دؤزه‌جک» پرینسیپی ایله پسیخولوژی و اقتصادی سیناق‌دان کئچمه‌لی‌دیر.

ایکینجی سئچیم هر ایکی طرف اوچون مقبول دئییل، لاکین بیرینجی سئچیم – قارشی‌لیقلی گذشتین ممکن‌لویو سوال آلتین‌دادیر. چونکی هرمزون آچیلماسی مقصدیله دنیز بلوکاداسینا باشلایان آمریکا بوغازین محاربه‌دن اؤنجکی رژیم‌ده ایشله‌مه‌سینی ایستییر. ایران ایسه محاربه‌نی هرمز اوزرینده نظارت اوچون فورصت اولاراق گؤردو و معین سوورن‌لیک حقوقونون تانینماسینا چالیشیر. بو یاناشما ایران الیتاسینین دیپلماتیک قانادی طرفیندن تهلوکه کیمی قبول ائدیلسه ده، حاضردا قرارلاری سپاه وئریر. ایکی هفته‌لیک آتشکسین بیتمه‌سینه اوچ گون قالمیش باش وئره‌نلر – عراقچینین «هرمز آچیلدی» آچیقلاماسی، ترانپین تشککورو و «مینالاری بیرلیک‌ده تمیزلیجییک» مئساژی، آردینجا سئپاه-آ یاخین مئدیانین دانیشیقلار هئیتینه هوجوم ائتمه‌سی، قالیباف و دیگرلرینین اویوندان کنارلاشدیریلماسی و س. بونو تصدیق ائدیر.

سپاه هرمز اوزرین‌ده سوورن‌لیک طلبین‌ده اسرارلی‌دیر و اساس «سراتژی چکیندیرمه» کیمی گؤردوکلری بو کارتی ایتیرمک ایستمیرلر. بوغازی اولکی رژیمه قایتارمادان دنیز بلوکاداسین‌دان امتنا ائتمک ایسه آمریکا اوچون «گئری چکیلمه» دئمک‌دیر.

ایران «نووه گذشتی»نی محض بو کونتکست‌ده استفاده ائتمک نیتین‌ده‌دیر.

وضعیتی مرکب‌لییی ایرانین تکلیفلری ایله باشلانا بیله‌جک نوبتی دانیشیقلاردا «چیخیش یولو»نون تاپیلماسی پرسپکتیوینی غیری-معین ائدیر، لاکین ماسانین یئنی‌دن قورولاجاغی و طرفلرین ان آزی «آتشکسین و مذاکره‌لرین داوام ائتمه‌سی» اوزرینده راضیلاشاجاغی احتمالی بؤیوکدور. چونکی هئچ بیر طرف یئنی‌دن «تتیکه باسماق» ایستمیر.