روسیا لیدری آمریکا پرزیدنتی دونالد ترامپین حربی عملیاتلاری دایاندیرماق قرارینی دوزگون آدلاندیریب و رگیون‌دا صلحه امید ائتدیینی بیلدیریب.

Axar.az خبر وئریر کی، روسیا پرزیدنتی ولادیمیر پوتین بونو سانکت-پتربورگ بین‌الخالق اقتصادی فورومونون پلنار اجلاسین‌دا آچیقلاییب.

او، همچنین قید ائدیب کی، مسکوا بوشهر نووه الکتریک استانسیاسینداکی وضعیتله باغلی دا داخل اولماقلا، واشینگتن، تهران و تل آویوله علاقه ساخلاییر:

"هر کس بیزه استانسیانین یاخینلیغیندا تصادفا راکت دوشمه‌لرینین باش وئردیینه ضمانت وئریر. هر کس بیزه بونون قضا اولدوغونو و بیر داها تکرارلانمایاجاغینا ضمانت وئریر. بیزی آلداتدیقلارینا اینانماق اوچون هئچ بیر سببیم یوخ‌دور. وضعیت ساکتلشدیکدن سونرا روسیا اؤلکه‌ده نووه اوبیکتلرینین تیکینتیسینی داوام ائتدیرجک. لاکن، ایرانین دینج نووه لاییحه‌لرینه قویولان محدودیتلرله باغلی ناراحاتلیقلارینین آرادان قالدیریلماسی دا بورادا رول اوینایا بیلر".

محاربه‌نین سببلریندن دانیشان پوتین بیلدیریب کی، آمریکایلا مناقشه‌ده ایران طرفیندن هئچ بیر تخریبات گؤرمور:

"حساب ائدیرم کی، بیز او واخت راضیلیغا گلدیک، ایرانین نووه پروگرامی ایله باغلی موافق راضیلاشمانی قبول ائتدیک و هر شی آتوم انرژیسی اوزره بین‌الخالق آگنتلیینین نظارتی آلتیندا ایدی. لاکن تأسف کی، او زمان وضعیت فرقلی شکلده، فرقلی بیر چرچیوه‌ده انکشاف ائتدی".

روسیا لیدری وورغولاییب کی، مسکوانین تهرانین نووه سلاحی انکشاف ائتدیرمه‌یه چالیشدیغی باره‌ده هئچ بیر معلوماتی یوخ‌دور:

"اسرائیلین ناراحاتلیقلاری هامییا معلوم‌دور؛ اونلار ایرانین نووه سلاحی انکشاف ائتدیرمه‌یه چالیشدیغی باره‌ده فکرلریندن ایر‌لی گلیر. تهران دفعه‌لرله، هم اوللر، هم ده حاضردا بو جور سلاحلار الده ائتمک پلانلارینین اولمادیغینی بیلدیریب. بو وضعیتده اساس پروبلم قارشیلیقلی اعتمادین اولماماسیدیر".