من ایلک گوندن دئدیم کی، اونو، قانونون طلب ائتدیی کیمی، آذربایجانا وئرمک لازیمدیر.

آخار. آد خبر وئریر کی، بو سؤزلری بئلاروس پرزیدنتی آلکساندر لوکاشنکو «پرزیدنتله بؤیوک دانیشیق» زامانی بلوگر آلکساندر لاپشینین آذربایجانا وئریلمه‌سی ایله باغلی بلاروسون قراری حاقدا دانیشارکن دئییب. پرزیدنتین سؤزلرینه گؤره، ایسرائیل و روسییا وطنداشی اولان لاپشینه سؤزوگئدن ایکی اؤلکه‌دن هئچ بیری صاحب چیخماق ایسته‌مه‌ییب:

«آذربایجان بیزه دئییل، اینترپولا مراجعت ائدیب. بیز اونو سربست ده بوراخا بیلردیک، اما بو، دوزگون قرار اولمازدی. بوتون بین الخالق نورمالارا، او جمله‌دن، اینترپولون قرارینا اساساً بیز اونو حبس ائدیب آذربایجانا یوللامالی ایدیک.

بیز نیه، هانسی ماراقلارا اساساً اونو آذربایجانا وئرمه‌مه‌لی ایدیک؟ بیزیم بوردا هئچ بیر ماراغیمیز یوخدور. گله‌جکده بیزیم ده باشیمیزا بئله حادثه گله بیلر. بونا گؤره ده عدالتلی قرار وئرملی ایدیک.

ایسرائیلین، روسییانین نه ایستدیی هئچ معلوم دئییل. آذربایجانین طلب و ایستیی ایسه معلومدور. لاپشین ایستییردی کی، اونو سربست بوراخاق. اما بونو ائده بیلمزدیک. بو بیزیم طرفیمیزدن بؤیوک عدالتسیزلیک اولاردی.

ایسرایلله آذربایجانین چوخ سیخ امکداشلیغی وار. ایسرائیل ایستسیدی، بو حاقدا آذربایجانلا راضیلیغا گلردی. اونلار ایسته‌سه، لاپشینین باشیندان بیر توک ده اسکیک اولمایاجاق.

بو حادثه‌نی شیشیرتمک لازیم دئییل. آیسبرگین گؤرونمه‌یه‌ن طرفلریندن خبرسیزسیز».