آنا صحیفه گوندم |
ارمنیستانین پایتختی ایرواندا بیر قروپ گنج «هایئلی» (گوزگو) مطبوعات کلوبو رئداکسییاسینا هجوم ائدیب.
رئپورت بی بی سی-یه ایستینادا خبر وئریر کی، بونا مطبوعات کلوبونون سایتیندا آذربایجان پرزیدنتی ایلهام علیئوین روسییادا «والدای» کلوبونون توپلانتیسیندا چیخیشیندان بحث ائدن مقالهنین باشلیغی سبب اولوب. Hayeli.am سایتی اؤز ۵ اوکتیابر تاریخلی مقالهسینی «علیئوین پاشینیانا گئجیکمیش، لاکین گوجلو جوابی» آدلاندیریب.
آذربایجان پرزیدنتی ایلهام علیئو ارمنیستان باش ناظری نیکول پاشینیانین آوقوست آیینین اولینده آذربایجانین ایشغال آلتیندا اولان داغلیق قاراباغ بؤلگهسینده عموم ارمنی ایدمان اویونلارینین آچیلیش مراسیمی زامانی نیطقینده: «قاراباغ ارمنیستاندیر، والسلام»- بیاناتینا ایشاره ائدرک، دئییب: «ارمنیستان اؤزو بو غیری-قانونی قورومو تانیمیر. قاراباغ، تاریخی آذربایجان تورپاغیدیر. بئله کی، قاراباغ آذربایجاندیر. و - نیدا ایشارهسی».
مقالهدن سونرا بیرقروپ ارمنی گنج شنبه گونو Hayeli.am رداکسیاسینین قاپی و دیوارلارینا یومورتالار آتیب، دیوارا مطبوات کلوبونون تاسیسچیسی و رهبری انژئلا تووماسیانین عنوانینا تحقیر ائدیجی لؤحهلر آسیبلار.
مطبوات کلوبونون قاپیسی باغلی اولوب، کلوبون رهبرییسه همین واخت خاریجده سفرده اولوب. گنجلرین حرکتلرینی همین مرتبهده یئرلشهن «هراپاراک» (میدان) قزئتینین مخبیرلری ویدئویا آلیب. گنجلرین اؤزلری ده آکسییانی ویدئویا چکیبلر.
آکسییادا ۴ نفر ایشتیراک ائدیب. آکسییادا داوید هووهاننیسیان، سارکیسمانوکیان، آرتاکمارکاریانوه هایکستئپانیان ایشتیراک ائدیب: «گلمیشیک انژئلاتوو ماسیانا گوجلو ضربه ائندیرمهیه. قاپی آچیق اولسایدی، ایچرینیده بو حالا سالاردیق»، - گنجلردن بیری دئییب.
تاریخ
2019.10.07 / 23:57
|
مولف
Axar.az
|