حاجی شاهین حسن‌لی «تقلید» پرینسیپینه عمل ائتسه ده، ایران ملالاری اونو سئومیردی، خصوصیله سون ایللر اونون حاقین‌دا «سارای ملاسی» تبلیغاتی آپاریلیردی. سبب‌سیز دئییل.

- واختیله ایران رژیمینین باکی‌دا تأثیر اوجاغی کیمی تانینان مشهدی داداش مسجیدینین یئنی‌دن دینه قایتاریلماسیندا رول اوینامیشدی؛

- اینانجلی کسیم اوزرینده‌کی نفوذو ملا رژیمینین بو کوتله‌یه تأثیرینه مانع اولوردو؛

- بللی ایدی کی، شیخدن سونرا قفقاز مسلمانلاری اداره‌سینین صدری، اصلین‌ده ایسه داها نفوذلو دینی لیدر اولاراق اؤنه چیخاجاقدی؛

نارداران حادثه‌لریندن سونرا دولت ایرانین آذربایجان‌داکی دینی تأثیرینه قارشی مباریزه‌نی آکتیو مرحله‌یه کئچیردی. بو پروسس‌ده «تأثیر آگنتلری»نین نیتراللاشدیریلماسی ایله یاناشی، میللی دینی لیدرین حاضرلانماسی دا اهمیتلی ایدی، چونکی اؤلکه اهالی‌سینین یاریسین‌دان چوخونون اینانجی اولان شیعه‌لیگی دییشمک یوخ، بونو «خمینی‌چیلیک‌دن» آییرماق، اهلی-بئیت عشقینین آذربایجان اینسانی اوزرین‌ده ایرانین سیاستینه آلت اولماسینین قارشی‌سینی آلماق لازیم‌دیر. حاجی شاهین حسن‌لی تکجه میللت یوخ، دولت طرفین‌دن ده بو اوبرازدا قبول اولونوردو.

ایران، شبهه‌سیز کی، حاجی شاهینین اؤلوموندن ایستیفاده ائد‌رک، اونون نفوذ ائتدیی اینانجلی کسیمی یئنی‌دن اله کئچیرمک ایستیقامتینده آکتیولشه‌جک. بو باخیمدان، حاجی شاهینین نفوذ ائتدیی کسیمه بوندان سونرا کیمین خیتاب ائدجیی اهمیتلی‌دیر.