آمریکادا یاشایان گونئی‌لی میللی فعال، گوناز تی.وی-نین رهبری احمد اوبالی وحشیجه‌سینه دؤیولمه‌سی اطرافیندا یاییلان شاییه‌لرله باغلی سس یازیسی یاییب.

Axar.az خبر وئریر کی، باجی‌سی اوغلو، گوناز تی.وی-نین آذربایجان بوروسونون رهبری آراز اوبالییا گؤندردیی سس یازیسیندا احمد اوبالی بعضی مقاملارا توخونوب.

احمد اوبالی بیلدیریب کی، باشینا گلن بلا حاق‌دا معین شایعه‌لرین یارانماسی و یاییلماسیندان خبرداردیر:

«هم ده دوستلاریمیز، بیزی ایسته‌یه‌نلر معلومات آلماق ایستییر. شوکور، آرتیق اؤلوم تهلوکه‌سیندن سوووشموشام. آنجاق الیم-آیاغیم ایفلیجدیر، اونا دا (ساغالماسینا) اومید وار.

جیانتی تؤره‌دن آدام توتولوب، حتی ائوینده منیم قانیما بلنمیش پالتارلاری دا تاپیلیب. ساده‌جه، بعضی شایعه‌لر یاییلماسین دئیه، بیلدیریرم: پلیسین ایستیی بودور کی، بیز کیمسه ایله دانیشمایاق، پلیس آراشدیرماسیندان سونرا هر شئی اوزه چیخاجاق. شاهیدلر وار، بو مسئله‌نین آرخاسین‌دا داها کیملر اولا بیلر، آختاریلیر».

احمد اوبالی اونون حاقیندا ماراق‌لانان هر کسه تشکر ائدیب:

«بو دا کئچه‌جک. آنجاق بیز یولوموزا و ایشیمیزه داوام ائتملیگیک. یاشاسین وطنیمیز! یاشاسین وطنیمیزین آزادلیغی اوغروندا جان وئرنلرین خاطره‌سی! کاش بیز ده اونلاردان بیری اولایدیق».