عراق رسپوبلیکاسینین پرزیدنتی عبدالطیف جمال رشید نویابرین ۱۹-دا فخری خیابانا گله‌رک، خالقیمیزین عموم‌میللی لیدری، معاصر مستقل آذربایجان دولتینین معماری و قوروجوسو حیدر علیئوین خاطره‌سینی احتراملا یاد ائدیب، مزاری اؤنونه اکلیل قویوب، گول دسته‌لری دوزوب.

Axar.az خبر وئریر کی، همچینین اولو اؤندرین عؤمور-گون یولداشی، گؤرکملی اوفتالمولوق-عالم، آکادمیک ظریفه علیئوانین دا خاطره‌سی یاد ائدیلیب، مزاری اوزرینه تر چیچکلر دوزولوب.

سونرا شهیدلر خیابانینا گلن قوناقلار آذربایجانین مستقللیی و اراضی بوتؤولویو اوغروندا مبارزه‌ده شهید اولان قهرمان وطن اؤولادلارینین خاطره‌سینه احتراملارینی بیلدیریب، «ابدی مشعل» عابده‌سینین اؤنونه اکلیل قویوبلار.

باکینین ان هوندور نقطه‌سیندن پایتاختیمیزین منظره‌سینی سیر ائد‌ن عراق رسپوبلیکاسینین پرزیدنتی عبدالطیف جمال رشیده شهیدلر خیابانینین تاریخی و شهرده گؤرولن آبادلیق-قوروجولوق ایشلری باره‌ده معلومات وئریلیب.