۰۰:۱۲
آخشام اشیتدیک کی، اوغلوم آذربایجانا گلیر. مبادیله ایله باغلی راضیلیغا گلیندیینی دئییرلر. هله کی، بو حاق‌دا بیزه رسمی معلومات وئریلمه‌ییب. اومبودسمان آپاراتین‌دان و قیزیل خاچدان زنگ ائدیب، سئوینجیمیزی بؤلوشوبلر، گؤز آیدینلیغی وئریبلر.

بو سؤزلری Axar.az-آ ارمنیستان‌دا توتولاراق عمورلوک حبس جزاسی آلان عسگر حسین آخوندووون آناسی شلاله آخوندووا اوغلونون ارمنی عسگرلرله دییشدیریلجیی ایله باغلی خبرلره مناسبت بیلدیررکه‌ن دئییب.

او، بو خبرین اونون اوچون گؤزلنیلمز اولدوغونو بیلدیریب:

«تلگرام‌دا، دیگر سوسیال شبکه‌لرده خبری گؤردوم. آردینجا زنگ ائدیب دئدیلر. آقشینین آناسینین خبری یوخ ایدی. من اونا زنگ ائدیب، گؤزایدینلیغی وئردیم کی، اوشاقلاریمیزی ارمنی عسگرلرله دییشیرلر. او دا چوخ سئویندی. بوتون قوهوم-اقربام بیزده‌دیر. رایون‌دان زنگ ائدیرلر کی، بیز نه واخت گلک؟ بیز حسینین دقیق نه زامان گلجیینی بیلمیریک. دئییرلر، سرعت‌لی دییشیلمه اولاجاق. دونیانین خوشبختییه‌م، منی آخشام گؤرسیدینیز… گؤزومو هله یوممامیشام. یاتمیرام کی، بیردن اوغلوم گلر، قارشیلایا بیلمره‌م. بیزه دئدیلر کی، اوشاقلار باکییا گلن کیمی بیزیمله تلفنلا دانیشدیراجاقلار. بعضیلری دئییر، بیر مدت ائوه بوراخمایاجاقلار، حکیملر باخاجاق، بعضیلری دئییر، ائوه بوراخیلاجاق. گؤزلییریک...»

قید ائدک کی، آذربایجان رسپوبلیکاسی پرزیدنتینین آدمینیستراسییاسی و ارمنیستان رسپوبلیکاسی باش ناظرینین آپاراتی آراسیندا آپاریلمیش دانیشیقلار نتیجه‌سینده هومانیزم پرینسیپینه صادقلیک روحوندا، خوش نیت گؤستریجیسی اولاراق ایکی اؤلکه آراسیندا قارشیلیقلی اعتیماد تدبیری کیمی آذربایجان طرفیندن ارمنی اصیل‌لی ۳۲ شخصین، ارمنیستان طرفیندن ایسه ۲ آذربایجان حربچیسینین آزاد ائدیلمه‌سی باره‌ده راضیلیق الده ائدیلیب.