روسییا سرحدچیلرینین ایروان هاوا لیمانیندان چیخاریلماسی طلبینین اولدوغونو تصدیق ائده بیلمره‌م، اما بو باش ناظر نیکول پاشینیانین، ایسپیکر آلئن سیمونیانین دانیشدیقلارینین منطیقینه اویغوندور.

Axar.az خبر وئریر کی، بونو روسییانین خاریجی ایشلر ناظری سرگئی لاوروو ۳-جو آنتالیا دیپلماتییا فورومو چرچیوه‌سینده تشکیل اولونان بریفینگده دئییب.

«اونلار دئییر کی، ارمنیستانلا روسییا آراسیندا ۱۹۹۴-جو ایلده‌ن بری باش وئره‌نلر هامیسی سهو اولوب. بوندان باشقا ارمنیستان روسییانی گویا ک.ت.م.ت چرچیوه‌سینده عهدلیینی یئرینه یئتیرمه‌مکده اتهام ائدیب»، - ناظر دئییب.

لاورو قید ائدیب کی، روسییانی هانسی مقصدله اتهام ائتدیکلری، هانسی مقصدله بونو ارمنی خالقینین شعورونا یئریتدیکلری آنلاشیلمازدیر.

«کناردان بونو قیزیشدیرانلار و روسییانی جنوبی قفقاز رگیونوندان چیخارماق ایسته‌یه‌نلر وار. بونو ائد‌نلر دیگر هئچ بیر رگیونلارا اؤز حرکتلری ایله خیر وئرمه‌یه‌ن مهندیسلردیر. سون ۵۰ ایلده باش وئرنلری خاطرلاماق کیفایت‌دیر – ویتنام، افغانیستان، لیوان، سورییا. بو تجروبه‌دن چیخیش ائد‌رک آمریکا، اینگیلتره، آوروپانین جنوبی قفقازا گلیشینین نتیجه‌سینین نه اولاجاغینی دئمک اولار»، - روسییالی ناظر دئییب.