آذربایجان و ایران سلاح‌لی قوه‌لرینین خصوصی تعییناتلی بؤلمه‌لری ایرانین غربی آذربایجان ایالتینده بیرگه آنتی‌ترور تعلیملری کئچیریبلر.

Axar.az خبر وئریر کی، بو باره‌ده اسلام رسپوبلیکاسی اردوسونون قورو قوشونلاری کماندانینین معاونی، گنرال-مایور کریم چشک معلومات وئریب.

"ایران اسلام رسپوبلیکاسی ایله آذربایجان رسپوبلیکاسی آراسیندا الده اولونموش راضیلاشمالارا اساساً، ترورچو گروپلار طرفیندن تهلوکه آلتیندا اولان آراز چایی بندینین تهلوکه‌سیزلیینی تامین ائتمک مقصدیله غربی آذربایجان ایالتینده خصوصی تعیینات‌لیلار باتالیونونون اشتراکی ایله بیر گونلوک آنتی‌ترور تعلیمی کئچیریلیب"، - او بیلدیریب.

گنرال-مایور قید ائدیب کی، تعلیم پیلوت‌سوز اوچوش آپاراتلاری و هلیکوپترلرین اشتراکی ایله کشفیات عملیاتی، سرحد پاترول عملیاتلاری، پوسقولارین تشکیلی، آرتیلرییا و هوا ضربه‌لرینین تطبیقی ایله باغلی دؤرد مرحله‌دن عبارت اولوب.

"بو مانورلرین حیاتا کئچیریلمه‌سی ایکی‌طرفلی مناسبتلرین محکمله‌نمه‌سینه و رگیوندا تهلوکه‌سیزلیین تامین اولونماسینا کمک ائدیر"، - او علاوه ائدیب.

خاطیرلاداق کی، مایین ۱۹-دا ایران و آذربایجان پرزیدنتلری ابراهیم رئیسی و ایلهام علیئوین اشتراکی ایله ایران-آذربایجان سرحدینده آراز چایی اوزرینده یئرلشه‌ن "خدآفرین" و "قیز-قالاسی" سو الکتریک کمپلکسلری استفاده‌یه وئریلیب.