آنا صحیفه گوندم |
ایران پرزیدنتلیینه نامزد مسعود پزشکیان بیر آز اول تبریزین هوا لیمانینا ائنیب.
Axar.az خبر وئریر کی، بو بارده یئرلی مدیا معلومات یاییب.
یاییلان ویدئولاردان هوا لیمانیندا اونو آذربایجان ملی گئییمینده یئنییئتمه قیز و اوغلانلار قارشیلاییب.
پزشکیانی قارشیلاماق اوچون هوا لیمانینا آخین ائدن انسانلارین سایی چوخ اولدوغونا گؤره، اونون باغشمال (تختی) استادیونوندا سئچیجیلرله گؤروشونه گئج چاتاجاغی بیلدیریلیر.
حاضردا تبریزین باغشمال استادیونونا و اطرافینا توپلاشانلارین سایینین ۵۰ میندن چوخ اولدوغو بیلدیریلیر.
پزشکیانی قارشیلاماق اوچون هوا لیمانینا گئدنلرین ده استادیونا قاییتماسیندان سونرا میتینگ اشتراکچیلارینین سایینین داها دا چوخالاجاغی گؤزلنیلیر.
قید ائدک کی ،حاضردا باغشمال استادیونوندا تورک دیلینده چیخیشلار ائدیلیر، شعرلر اوخونور و آذربایجان ماهنیلاری سسلندیریلیر.
یئرلی مشاهدهچیلر ایندییه کیمی پرزیدنت سئچکیلرینده بئله ازدحاملی میتینگ و گؤروشون اولمادیغینی بیلدیریرلر.
تاریخ
2024.06.26 / 21:15
|
مولف
Axar.az
|