بو گون قاراباغدا حبس ائدیلن، حربی جنایتلرده اتهام اولونان شخصلرین محکمه پروسسی باشلاییر. بونو آذربایجانین «نورنبرگ پروسسی» ده آدلاندیرماق اولار.

اساس دقت چکن مقام دونن (۱۶ یانوار) ارمنستان مئدیاسینین تیراژلادیغی روبن واردانیانین مراجعتی‌دیر. واردانیان ادعا ائدیر کی، «هئچ بیر سنده امضا آتماییب»، «هئچ بیر افاده وئرمه‌ییب». حتی «ساخلانیلان واخت یالنیز آدیمی دئمیشم» کیمی بؤیوک ادعالار ایر‌لی سوروب. هرچند، داها اؤنجه واردانیانین استنتاق اورگانلاری ایله امکداشلیق ائتدیی، مهم سرلری آچدیغی، حتی تکجه قاراباغدا تؤرتدیکلری جینایتلرله باغلی یوخ، هم ده غرب‌ده آذربایجانا قارشی اولان گروپلارلا امکداشلیغینی (مثال اوچون، اوساید رهبری سامانتا پاورله باغلی اعترافلاری)، حیاتا کئچیردیکلری ایشلری اعتراف ائتدیی حاقدا معلوماتلار وار. اونون استنتاق اورگانلاری ایله امکداشلیق ائتمکدن باشقا یولونون قالمادیغی دا معلومدور.

بللی‌دیر کی، بو مراجعتی واردانیان باکی‌دان گؤندرمه‌ییب، اونون آدیندان حاضرلاییبلار. محکمه‌دن بیر گون اؤنجه واردانیانین آدیندان یاییلان مراجعتین مقصدی پروسسی مانیپولیاسییا ائتمک و اونو «قوروماق»دیر. چونکی واردانیان دا داخیل اولماقلا حربی جنایتلرده اتهام اولونان شخصلرین اعترافلاری هم ارمنستانی چتین وضعیته سالا، هم ده ارمنی اجتماعی رای‌ین‌ده «مباریز» اوبرازلارینی سیرادان چیخارا بیلر. روبنین اعترافلاری ایسه غرب‌ده‌کی «دوستلارینین» دا ناراضی‌لیغینا سبب اولا، اونا وئریلن دستیین کسیلمه‌سی، یاخود آزالماسی ایله نتیجه‌لنه بیلر. بو باخیم‌دان، محکمه‌دن بیر گون اؤنجه یاییلان مراجعتله روبنی سیغورتالاماغا چالیشیرلار.