اقتصادی امکداشلیق تشکیلاتینین خانکندی‌ده کئچیریلن ۱۷-جی زیروه گؤروشونده لیدرلرین صمیمی صحبتله‌شدیی مکانا ایلهام اعلیئوین گلیشی زامانی یالنیز ایران پرزیدنتی مسعود پزشکیان آیاغا قالخدی. ایران‌دا بعضی گروپلار ایسه بون‌دان پزشکیانا قارشی استفاده ائتمه‌یه، بو ژستینه گؤره اونو تنقید ائتمه‌یه باشلاییبلار.

ایلهام علیئوین گلیشی زامانی پزشکیانین آیاغا قالخماسینی هر کس باشا دوشمز، آنلاماز، درک ائتمز.

اورا ییغیشانلارین هامیسی قارداشدیر، دوغمادیر، ائله تورک پرزیدنتلرین اؤزلری ده. یعنی اردوغان، ژاپاروو، میرزیایئو، تاتار... - قارداش‌دیر، ائله شاهباز شریف ده، اما پزشکیانلا اعیئو قارداش دئییل، قارداش‌دان داها آرتیق‌دیر، بؤیوک معنادا بیر آدامدیرلار: بوتون تورکلر قارداشیمیزدیر، گونئی‌لیلر ایسه اؤزوموزوک!

ایلهام علیئو بونو آخی اوجا سسله اعلان دا ائتدی – هم ده اردوغانا مراجعتله: «اونا (پزشکیانی گؤستریر) دئییرم کی، اؤز دوغما وطنین‌ده‌سن!»
پزشکیان دا بونو حس ائدیر و دیگرلرینه ده نماییش ائتدیریر – ایلهام اعیئو گلنده آیاغا دوروب، یئرینی اونا گؤستریر، «گل، بوردا اوتور» ژستی ائدیر. ویدئویا دقت ائدین – ایلهام علیئو بیلیر کی، پزشکیان نه دئییر، نیه دئییر، اما الی ایله تشکر ائدیب، کناردا اوتورور.

پزشکیان اونا گؤره ایلهام علیئو اوچون آیاغا دوردو و اونا یئر گؤستردی کی، او، دوغرودان دا اؤزونون ائو ییه‌سی اولدوغونو آنلامیشدی، بونو اونا بوتون صمیمیتی ایله ایلهام علیئو آنلاتمیشدی!

پزشکیان هم ائو ییه‌سی اولاراق آیاغا دوردو، هم ده «قارداش‌دان اؤته قارداشینین» - ایلهام علیئوین حالال حاقینی وئرمک، اونون مرکزده اولماسینی ایسته‌دی – او قدر درین حس، تحت الشعوری دیکته‌نین رئفلئکسلری‌دیر کی، بونو یالنیز جانین، قانین و روحونلا حس ائتمه‌لی‌سن!

بونو بیریلری چوخ یاخشی آنلاییر، اونا گؤره «غبله‌نیبلر»...