شرقی آذربایجان ویلایتینین بیر گروپ میلت وکیلی اؤلکه کوبوکو فینال گؤروشونون یئرینین دییشدیریلمه‌سینی ایسته‌ییب.

آخار. آذ خبر وئریر کی، میللت وکیللری بو باره‌ده ایدمان و گنجلر ناظیرلیینه مکتوب عنوانلاییبلار. میللت وکیللری «تراختور» و «نفت» کلوبلارینین ناراضی‌لیغینی خاطیرلاداراق، فینال گؤروشو اوچون باشقا بیر ایستادیونون سئچیلمه‌سینی طلب ائدیبلر.

«خوررمشهر ایستادیونوندا هم میدانچانین اؤت اؤرتویو گؤروش اوچون مناسیب دئییل، هم ده هاوا شرایطی یاخشی دییل»، - دئیه ناظرلییه عنوان‌لانان مکتوبدا قید اولونوب.

منبع ایدمان و گنجلر ناظیرلیینه مکتوب یازان میلت وکیللرینین کیملیینی آچیقلاماییب.

قید ائدک کی، ایران کوبوکو اوغروندا حل ائدیجی قارشیلاشمادا تبریزین «تراختور» و تهرانین «نفت» کوماندالاری مایین ۱۱-ی یئرلی واختلا ساعت ۲۰-ده خرمشهرین «نفت و گاز اروندان» ایستادیونون‌دا اوز-اوزه گله‌جکلر.