«آزادی» ایستادیونونون کنفرانس سالونون‌دا میللی فوتبول یاریشمالارینین پوشک آتماق تؤره‌نی کئچیریلیب.

تؤره‌نده کوبوک کوماندالاری بو مرحله‌ده‌کی رقیبلرینی تانیییبلار.

«ماشین سازی» تبریزده تهرانین «پئرسپولیس» کلوبونو، همدان‌دا ایسه «پاس همدان» «تراکتور» کومان‌داسینی قبول ائد‌جک.

«تراکتور»اون یاریشین نؤوبتی مرحله‌سینه کئچمه احتیمالی داها یوکسک گؤرونور.

هم کئچه‌ن مؤوسوم، هم ده بو مؤوسومون اولین‌ده «ماشین سازی» کومان‌داسی بؤیوک کومان‌دالارا قارشی یاخشی اوینادیغینی گؤستردی. شوبهه‌سیز، تبریزده «پرسپولیس» اوچون چتین بیر گون اولاجاق.

«تراکتور آذربایجان» ایسه آسان بیر قروپ ایله قارشی-قارشییا دوروب. ایکینجی لیگادا اوینایان «پاس همدان» کومان‌داسینین سون گونلر یاخشی دوروم‌دا اولمادیغی بللی‌دیر.

باشقا بیر مقام ایسه ایران کوبوکونون «معجزه‌لر لیگاسی» آدلاندیریلماسی‌دیر. هانسی کی، ایکی ایل اؤنجه ایکینجی لیگادا توپ اوینایان «قشقایی شیراز» کومان‌داسی تهرانین «پرسپولیس»ی اوزرین‌ده، «شهرداری یاسوج» کلوبو ایسه «تراکتور» اوزرین‌ده غلبه چالاراق لیگادا بو ایکی گوج‌لو کوماندالاری النمه‌سینه سبب اولموشدولار.