کولت. آز نصرت کسمنلینین "کاش کی" شعرینی تقدیم ائدیر:
نلر، نلر یادا دوش‌دو،
خاطره‌لر اودا دوش‌دو.
او گونلردن قلبیمیزه،
قورخولو بیر سدا دوش‌دو،
گؤرمییدیم کاش کی، سنی.

باهار گلدی قیش ائوینه،
بو کؤچری قوش ائوینه.
او واخت ناشی بننا کیمی
یادداشیمین داش ائوینه
هؤرمییدیم کاش کی، سنی.

کوله دؤنموش اود-اوجاق‌سان،
بلکه بئله قالاجاق‌سان.
اوندا اوشاق دئییلدیم کی،
بیلیردیم کی، سولاجاق‌سان.
درمییدیم کاش کی، سنی.

هیجران گلدی سینه-سینه،
گونلر اؤتدو سنه-سنه.
بیر گول‌دان دا ساخلایایدیم،
اؤز علیمله اؤزگه‌سینه
وئرمییدیم کاش کی، سنی...