تورکیه ملی‌سینین کئچمیش فوتبولچوسو، اؤلکه‌ده بیر نئچه کلوبدا مشق‌چی اولاراق چالیشمیش اسماییل قارتالین ایرانین «پرسپولیس» کلوبونا باش مشق‌چی تعیین ائدیلمه‌سی اطرافیندا قالماقال داوام ائدیر.

Axar.az خبر وئریر کی، تعینات گئرچکلشدیکدن سونرا «پرسپولیس» تبریزین «تراکتور» کلوبو ایله قارشیلاشیب. قارشیلاشما ۲:۰ گونئی تمثیلچی‌سینین مغلوبیتی ایله باشا چاتیب. لاکین «پرسپولیس»ین ایران‌دا ان ایرقچی کلوب اولاراق تانیندیغی، ایللردیر تورکلری تحقیر ائتدیی اورتایا چیخیب. سون اویون‌دا دا کلوب طرفدارلاری گونئی‌لیلرین، عمومی‌لیکده تورکلرین عنوانینا یوکسک سسله تحقیرلر سسلندیریبلر. حتی ماتچدان سونرا دا فوتبولچولارین عینی آددیمی آتدیغی بیلدیریلیر. اویوندان سونرا آزارکشلر آراسیندا شدتلی قارشی‌دورمانین یاشاندیغی، بیر نئچه نفرین یارالاندیغی دئییلیر. خسارت آلانلارین اکثریتی ایسه گونئی‌لیلردیر.

بونون فونوندا تورکیه مئدیاسی غالیبیتی (۲:۰) اسماعیل قارتالین بؤیوک اوغورو کیمی تقدیم ائدیب. «تراکتور»لا اویوندان سونرا «قارتالین کلوبو ایرانین مغلوب ئدیلمزینی یندی» باشلیق‌لی مقاله‌لر یازیلیب، تلویزییا پروگراملاریندا سوژتلر حاضرلانیب. قارتالین عنوانینا تبریکلر سسلندیریلیب. بو مسئله گونئی آذربایجان و «تراکتور» فاناتلاری آراسیندا جدی ناراضی‌لیقلا قارشیلانیب. بیر تورکون دیگر تورکلری ایللردیر تحقیر ائد‌ن ایرقچی کلوبا باش مشق‌چیلیک تکلیفینی قبول ائتمه‌سینین دوغرو اولمادیغی بیلدیریلیر.

«پرسپولی» فوتبولچولاری و آزارکشلری قارتالین تعیناتینی دا فرصت بیله‌رک گونئی‌لیلری آشاغیلاماغا جهد ائدیبلر. اونلار تورک باش مشقچینین قاتقی‌سی ایله ائله تورک تمثیلچی‌سینی مغلوب ائتدیکلرینی بیلدیریبلر. قارتالین باش وئره‌نلره سوسماسی اونون باش وئره‌نلری دستکله‌مه‌سی کیمی دیرلندیریلیب.

«تراکتور» کلوبو رسمی بیانات یایاراق «پرسپولیس»این ایرق‌چی‌لییی و گونئی‌لیلری آشاغیلاما جهدلری سببیله اؤلکه‌نین فوتبول فدراسیاسینا شکایت عنوانلایاجاغینی قید ائدیب. اگر ایران‌دا عایدیاتی اورگانلار تدبیر گؤرمه‌سه، گونئی تمثیل‌چی‌سی بو دفعه فیفا-یا شکایت عنوانلایاجاغینی آچیقلاییب.