تبریزین «تراکتور» کومانداسی ایران چمپیوناتیندا نوبتی قارشیلاشمادا تورنیر جدولینده لیدرلیینی قورویوب ساخلایا بیلیب.

Axar.az خبر وئریر کی، بو باره‌ده ایدمان مئدیاسی معلومات یاییب.

تبریز تمثیل‌چیسی دونن ۲۵-جی تورون اویونوندا یئرلی واختلا ساعت ۱۷-۴۵-ده یزدین نصیری استادیونون‌دا اردکانین «چادرملو» کومانداسی ایله کئچیردیی گؤروشو ۲:۲ حسابی ایله باشا ووروب.

بونونلادا «تراکتور» ۵۵ خاللا (۲۵ اویون) تورنیر جدولینده لیدرلیینی قورویوب ساخلاییب.

قید ائدک کی، قارشیلاشما زامانی رقیب کوماندانین طرفدارلاری "تراکتور" اویونچولارینی تحقیر ائدیب، میدانا یاد اشیالار آتیبلار.

"تراکتور" کلوبونون کرواتییالی باش مشق‌چیسی دراگان سکوچیچ مئدیایا وئردیی مصاحیبه‌ده بوندان تاسوفله‌ندیینی بیلدیریب.

او، رقیب کوماندا، طرفدارلار و حاکمین حرکتلرینی مدنیت‌سیزلیک آدلاندیریب.

"چوخ چالیشساق دا غلبه قازانا بیله‌مدیک، اونا گؤره کی، حاکم رقیبین واخت ایتیرمه‌سینه کمک ائتدی"،- سکوچیچ دئییب.

باش مشقچی بوتون بونلارا باخمایاراق، "تراکتور"اون مبایزه آپاراراق چمپیون اولاجاغینی سؤیله‌ییب.