ایران‌دا سون گونلر قیزیلین قیمتی و خاریجی والیوتانین مزه‌ننه‌سینین باهالاشما پروسسی داوام ائدیر. اؤلکه‌ده دلارین مزه‌ننه‌سی ۱۳۸۰۰ تومنه قدر یوکسلیب.

آخار. آذ خبر وئریر کی، بو، سون ۶ آی عرضین‌ده ان یوکسک حد حساب ائدیلیر. یئرلی والیوتا خبرلری درج ائد‌ن سایتلارین معلوماتلارینا اساساً، اؤلکه‌ده آورونون دیری ۱۵۲۷۵ تومنه، هر قیزیل سکه‌سینین قیمتی ایسه ۴ میلیون ۷۲۰ مین تومه‌نه قدر آرتیب.

خاطرلاداق کی، نویابرین ۱۵-ده ایران‌دا بنزینین قیمتینین باهالاشماسی ایله باغلی قرارین وئریلمه‌سی و بو ساحه‌یه کووتا سیستمینین تطبیق ائدیلمه‌سین‌دن سونرا خاریجی والیوتا، همچینین قیزیلین قیمتی یوکسلمه‌یه باشلاییب. بیر نئچه گون اؤنجه گلن ایلین بودجه لاییحه‌سینین تقدیم ائدیلمه‌سین‌دن سونرا ایسه بو پروسئس داها دا کسکینلشیب. اؤلکه‌ده‌کی اعتراضلار نیسبته‌ن سنگی‌سه ده، گرگین‌لیک تام آرادان قالخماییب.