آتاتورک قانین، گؤز یاشینین، ایشغاللارین چوخ اولدوغو بیر واختدا ایمپریالیزمه، ۷ دؤلته قارشی مباریزه آپاردی. هر یئر بؤلوشدورولن بیر واختدا چیخیب، «من بو اؤلکه‌نی خلاص ائتمک ایستییرم، بو یولدا منیمله اولانلار بیر آددیم اؤنه چیخسین» دئینده مینلرله، میلیونلارلا اینسان مصطفی کمالین قرارینی دستکلمیشدی. آتاتورک تکجه بؤیوک کوماندیر یوخ، هم ده حساس بیر دؤلت باش‌چیسی، شخصیت ایدی.

کولت. آذ خبر وئریر کی، بو سؤزلری تورکیینین افسانوی مغننیسی احمد قایا ایللر اول ایبراهیم تاتلیسسه عایید بیر وئریلیشده مصطفی کمال آتاتورک حاقدا دانیشارکن دئییب. او، آتاتورکون تورک خالقینی عمرونون سونونا قدر سئودیینی بیلدیریب:

«کوماندیرلیک هئچ ده آسان بیر شئی دئییل. کوماندیر اولماق اوچون تکجه عسگرلره لیدرلیک ائتمک کیفایت ائتمیر. اینسانین ان بؤیوک کوماندیرلییی اونون اؤز اؤلکه‌سینی، وطنداشلارینی سئومه‌سیدیر. آتاتورک بو اؤلکه‌نی چوخ سئویردی. لاپ اولدن سئویردی، عمرونون سونونا قدر ده سئودی.

بیزیم اوندان تحویل آلدیغیمیز بیر امانت وار: سیاسی حادثه‌لرین، خاوسون اولدوغو واختلاردا هئچ کیمه ایمکان وئرمه‌دن بو وطنپرورلیک میراثینی اؤلنه قدر اورییمیزده داشیماق. بو اؤلکه باشلانغیجدا نئجه سئویلیردیرسه، سونسوزا قدر ده اینسانلارین سئودیی بیر اؤلکه اولاراق قالاجاق».

قید ائدک کی، احمد قایا ۲۰۰۰-جی ایل نویابرین ۱۶-دا پاریسده وفات ائدیب.