شاعرلریمیزین ایشلری نئجه گئدیر، یارادیجیلیق باخیمیندان اوخوجولارینی نه ایله سئویندیره بیله‌جکلر؟

ایکی تانینمیش شاعریمیز کولت. آذ-این سورغوسونا جاواب وئره‌رک، یارادیجی‌لیقلارینداکی یئنیلیکلری بؤلوشوب.

شاعر رامیز قوسارچایلی:

«حاضردا «گئده‌سن دونیانین آخیریناجان» آدلی شعیرلر کیتابیم نشریاتدا چاپ پروسسینده‌دیر، اومید ائدیره‌م کی، نووروز بایرامینا کیمی دیرلی اوخوجولاریمی سئویندیره بیله‌جه‌یم. شرطی آدی «مغلوبیت» اولان پوئمانی یئکونلاشدیرماق اوزره‌یم. «سئیره سئیری» آدلی تاریخی مؤوضوعدا بیر پوئما یازیرام. «ائششکنامه» آدلی کیتابیم یئنی ترتیباتدا نشره حاضردیر. شعیرلر، مینیاتور حکایه‌لر، ساتیریک اثرلر ده یارانیر».

شاعر-بستکار خانیم ایسماییلقیزی:

«سؤزلری قولو آغ سسه عایید اولان «یوردوما دین اولماسین» آدلی یازدیغیم وطنپرور ماهنی خان قروپونون ایفاسیندا سسلندی. بوندان علاوه، سؤزلری علمان توووزا عایید اولان «هئچ خبرین اولمایاجاق» ماهنیم شهلا حمیدووانین، سؤزلری لیلا علیئوایا عایید اولان «گئتمه» ماهنیم ایسه اولوییه تاغییئوانین ایفاسیندا لئنته آلینیب. موسیقیسی و سؤزلری اؤزومه مخصوص اولان «او یئرده‌یم» ماهنی‌سی ایسه آیان باباکیشیئوانین ایفاسیندا لئنته آلینیب و حاضردا همین ماهنییا کلیپ چکیلیشلری گئدیر. بوندان علاوه، ائلچین میرزابیلینین سؤزلرینه بستلدییم «اوووت منی» ماهنیمیز آرانژیمان پروسسین‌ده‌دیر. یاخین گونلرده حاضر اولاجاق. بیر نئجه یئنی ماهنی، شعیر ده آرتیق یازیلیب».