آذربایجانین قدیم پایتختی تبریز شهرین‌ده تاریخی حیدرزاده ائوینده قدیم تبریز شهرینین ماکتی تقدیم اولونوب.

آخار. آذ خبر وئریر کی، بونو ژورنالیستلره آچیقلاماسین‌دا نبی اکرم عالی تحصیل موسسه‌سینین رئیسی محمدرضا میلانی سؤیله‌ییب.
«اؤلچوسو ۳*۳ اولان ماکئت قاجار دؤورونه عایید سندلره اساساً حاضیرلانیب. بو ماکت تاریخی بازار، قالا، شهرین تاریخی حصار و داروازالاری، حکومت ائولری، ارک قالاسی و حصارین اطرافینداکی خندکلری اؤزونده عکس ائتدیریر»، - او بیلدیریب.

نبی اکرم عالی تحصیل موسسه‌سینین شاگیردلری طرفیندن حاضرلانان ماکت مدنی ارث، ال ایشلری و توریزم تشکیلاتینا هدییه اولونوب. معلوماتا گؤره، «قدیم تبریز» ماکتی مدنی ارث تشکیلاتینین قاجار دؤورونه عایید موزه سینده ساخلانیلاجاق، ماکت بوتون موزه زیارتچیلرینه تقدیم اولوناجاق.

قید ائدک کی، ایسلام امکداشلیق تشکیلاتینا عضو اؤلکه‌لرین توریزم ناظیرلرینین نیجرییانین پایتاختی نیامیده کئچیریلن ۹-جو کنفرانسینین اکسپرتلر ایجلاسیندا تبریز شهری ۲۰۱۸-جی ایل اوچون ایسلام اؤلکه‌لرینین نمونوی توریزم شهری سئچیلیب.