مدنیت و توریزم ناظرینین معاوینی عدالت ولیئو تبریزده شرقی آذربایجان والیسی (استاندار) اسماعیل جبارزاده ایله گؤروشوب.

آخار. آذ خبر وئریر کی، گؤروش زامانی عدالت ولیئو ایران و آذربایجان خالقلارینین درین مدنی علاقلری، دیل و دین بیرلیینه ایشاره ائدیب، تبریزده قریب اولمادیغینی دئییب.

اونون سؤزلرینه گؤره، آذربایجانلیلارین اکثریتی هئج اولماسا بیر دفعه تبریزی گلیب گؤرمک آرزوسوندادیرلار.

عدالت ولیئو آذربایجاندا جاری ایلین «ایسلام بیرلیگی» آدلاندیریلماسینا توخوناراق دئییب: «ایران و آذربایجان آراسیندا دینی و مدنی علاقه‌لرین درین کؤکه مالیک اولماسی ایکی اؤلکه آراسیندا توریزمین اینکیشافینا مثبت تأثیر گؤستره بیلر».

عدالت ولیئو مدنیت و توریزم ناظیرلیینین ترکیبین‌ده ۷۰ مین اینجه صنعت خادیمی، ۲۶ تئاتر مکتبی، ۲۴ موسیقی و اینجه صنعت مکتبی، ۴۵۰ موزه، ایکی اونیورسیتت و ۵ مین کیتابخانانین اولدوغونو و ناظرلیک طرفیندن هر ایل ۵۰-دن جوخ مدنی و اینجه صنعت فستیواللارینین کئجیردیینی دئیه‌رک، ایران و آذربایجانین بیرگه مدنی و اینجه صنعت پروگراملاری حاضرلاماسینین واجیب‌لیگینی بیلدیریب.

قید ائدک کی، تبریز ۲۰۱۸-جی اوچون ایسلام اؤلکه‌لرینین توریزم پایتاختی کیمی سئچیلیب. بو شهر بوتون دونیا اؤلکه‌لری، خصوصی ایله ده ایسلام دونیاسیندان چوخ سایدا توریست قبول ائتمه‌یه حاضیرلاشیر.