قوبوستان دؤولت تاریخی-بدیعی قوروغو باکی یاخینلیغین‌دا آرخیولوژی عابده‌لر کومپلکسینین محافظه ائدیلدیی قوروقدور. قوروق قاراداغ رایونونون قوبوستان قصبه‌سینده، پایتخت باکی‌دان ۵۶ کیلومتر آرالیدا یئرلشیر. بورادا ائلجه ده موزه فعالیت گؤستریر.

آخار. آذ خبر وئریر کی، قوبوستان آدینین منشایی و آنلامی باره‌ده موختلیف تدقیقات‌چیلار فرق‌لی فیکیرلر سؤیلنیلیب. همین فیکره گؤره قوبوستان قوبولار دیاری، اوجسوز-بوجاقسیز دوزنلیک، سایسیز-حسابسیز تپه‌لر آراسیندا تورپاق اوچونتولاردان عمله گلمیش یارغانلار و دره‌لردیر. بو، ایللرین، عصرلرین دئییل، میلیون ایللرین آردیجیل اولاراق یاراتدیغی داغینتیلار و «قوراشدیرمالارین» نتیجه‌سیدیر. قوبوستان آدینین دا منشایی محض بو طبیعی شرایطله ایضاح اولونور.

تورک دیللرینده «قوبو / کوبو» سؤزو "یارغان، بوشلوق، یاری صهرا" آنلامینا گلیر. دیگر بیر وئرسییایا گؤره ایسه قوبوستان سؤزونون ایلکین فورماسی گاویستان شکلینده اولوب. «گاو» فارسجا اؤکوز، اینک، «ایستان» ایسه دیار آنلامیندا یئر بیلدیره‌ن شکیل‌چی‌دیر. بو حال‌دا سؤز «اؤکوزلر دیاری» شکلین‌ده شرح ائدیلیر.

باشقا بیر وئرسییایا گؤره ایسه بو یئرین آدی کبریستان اولوب. «کبر» اودا سیتاییش ائد‌ن، «ایستان» ایسه دیار آنلامین‌دا کیمی قبول ائدیلدیک‌ده سؤز اودا سیتاییش ائد‌نلرین دیاری کیمی آنلاشیلیر.

قوبوستان عابده‌سی بیر ده اونونلا ماراقلیدیر کی، بوردا اینسان حیاتی تخمیناً ائرامیزدان اول اونونجو مین ایللیکلردن باشلایاراق تا ۱۸-جی عصره قدر آردی-آراسی کسیلمدن داوام ائدیب. قوروق اساساً اوچ داغین (بؤیوکداش، کیچیکداش و جینگیرداغ) یئرلشدیی بؤیوک بیر اراضینی احاطه ائدیر.

قدیم قوبوستانلیلار اساساً آچیق هاوادا یاشاییبلار. لاکین شدتلی یاغیش و کولکلی گونلرده اونلار ماغارالارا، قایا آلتی سیغیناجاقلارا و یا باش-باشا دایانان ایری قایالارین آلتینا چکیلیبلر. هله‌لیک معلوم اولان قایا آلتی سیغیناجاقلارین ان یاخشی نومونه‌لری بؤیوکداش و کیچیکداش داغلارینین جنوب-شرقینده یئرلشن ایری دوشرگه‌دیر.

قدیم قوبوستانلیلارین هانسی دیلده دانیشمالاری و یا عمومیتله دانیشیب-دانیشمامالاری علمده موباحثه دوغوران مسئله‌لردندیر. لاکین اونلار اؤزلریندن میراث قویدوقلاری تصویرلر واسیطه سیله بو گون ده اؤزلری، یاشاملاری حاقین‌دا معلومات وئریرلر. مین ایللرله بیر-بیرینین دالینجا گلن نسیللر طرفین‌دن ۱۰۰۰-ا قدر قایادا دؤنه-دؤنه چکیلمیش، بیر-بیرینی تکرار ائد‌ن و ائتمه‌یه‌ن ۴-۵ مین‌دن آرتیق حیوان، اینسان شکیللری، حیاتی ماجرالار، اوو و رقص صحنه‌لری چوخ قدیم بیر رساملیق مکتبینین یارادیجی‌لیغیدیر. بؤیوکداش و جینگیرداغدا اولان و «قاوالداش» آدلانان داش موسیقی قورغولاری قدیم قوبوستانلیلارین بؤیوک ایختیراعسی کیمی دیرلندیریلیر. اوخون ایجاد اولونماسی قبیله آداملارینین مادی گوزرانی اوچون نه قدر لازیم ایدی‌سه، ضرب موسیقی قورغوسو – «قاوالداش»این یارادیلماسی دا موسیقی زؤوقلرینی تعمین ائتمک، رقص و ماهنی مراسیملری دوزلتمک اوچون اولدوقجا اهمیتلی ایدی.

قدیم اینسانلارین بویو دا ۲ متره چاتیردی.