سرباز وطن ( وطن عسگری) کاروانسارایی عینی آدلی کندده، ائرشاق بؤلگه‌سینین شیمالین‌دا، ایران آذربایجان سرحددین‌دن ۸۰۰ متر آرالی‌دا، مرکزی حیصه‌دن ( رضوی‌دن) ۲۰ کیلومتر شیمال‌دا یئرلشیردی.

اونون مشکینشهرین مرکزینه قدر اولان مسافه‌سی ۹۵ کیلومتردیر. قانلیبولاق کاروانسارایینین صفویلرین ایسلام دؤورونون اوصلوبو و طرزینه اویغون اولاراق ۴ ائیوان‌لی فورمادا تیکیلیب. کاروانسارایین خاریجی گؤرونوشونه تاغلاری و کاشی بزکلری داخیلدیر. ساده‌جه خاریجی دکوراتیو علامتلر سیراسینا ایچرییه داخیل اولماق اوچون سککیز گوشه‌لی بیر داروازا داخیل ایدی. کاروانسارا ۴ متر ساحه‌یه، ۵/۳ متر هوندورلویه و هر ایکی طرف‌ده ۳ اوتاغا مالیک ایدی. کاروانسارانین خاریجی گؤرونوشو کؤهنه تاغلار و کاشی دکورلارلا بزدیلمیشدیر. اونون دکور خصوصیتلری سیراسین‌دا ساده‌جه اولاراق دیوارینین خاریجی گؤرونوشو رومب فورماسین‌دا اولان فیقورلارلا بزدیلیب. اونون سککیزگوشه‌لی شیمال دیوارینین گؤرونوشو یانمیش کرپیجله بزدیلمیش رومب شکلین‌ده‌دیر. کاروانسارانین حیطینین مرکزی ۲۷/۵ x ۲۷/۵ اؤلچولرینده‌دیر. ایوانلارین هر ایکی طرفین‌ده اولان حجره‌لرین سایی ایسه ۲۱ عدددیر.

بو کاروانسارا کسیلمیش کؤهنه داشلاردان عبارت‌دیر. ان کیچیک اوتاغین اؤلچوسو ۳*۴ مئتر، ان بؤیوک اوتاغین اؤلچوسو ایسه ۱۰*۳ متر اؤلچوسون‌ده تیکیلمیشدیر. کاروانسارانین بو حیصه‌سی و خاراب اولان دیگر حیصه‌لری اوزون مدت اؤنجه کند اهالی‌سی طرفین‌دن دوزل‌دیله‌رک ایستیفاده‌یه وئریلمیشدیر. کاروانسارانین تیکینتی ماتریاللاری ۵*۲۱*۲۱ اؤلچولرین‌ده اولان کرپیجلر و اهنگ داشلارین‌دان عبارت‌دیر. ایوانلارین تاغلاری جیناغی طرزین‌ده، حجره‌لرین تاوانلاری ایسه قیسا گونبز فورماسین‌دا تیکیلمیش‌دیر. کاروانسارانین جنوب بوجاغین‌دا دیگر اوتاقلاردان داها بؤیوک اولان بیر اوتاق تیکیلمیش‌دیر. احتیمال اولونور کی، بورانی دزگاهخانا کیمی ایستیفاده ائتمک مقصدی ایله تیکیبلر. همچینین اوتاقلارین داخیلی رف و سوبا یئرلری اولماقلا تیکیلیبلر. ۴ گوشه‌لی ائیوانلار خاریجی فورماسینا گؤره کونج‌لودورلر. بو معمارلیق اثری لاییحه‌سی و ایستیفاده اولونان ماتئریاللاری باخیمین‌دان صفویلر دؤورونون ان دبدبه‌لی اثرلرین‌دن بیری حساب اولونور.

بینانین ان باریز خصوصیتلرین‌دن بیری ده اونون بزدیلمه‌سین‌ده یانمیش کرپیجلردن ایستیفاده اولونماسی‌دیر. همچینین بینانین ۴ ایوان‌لی فورمایا مالیک اولماسی و صفویلر زامانین‌دان معاصر دؤوروموزدک سالامات قالان یگانه ۴ ایوان‌لی معمارلیق اثری اولماسی اونو داها دا ماراق‌لی ائتمکده‌دیر. هله کی، بو بینانین بعضی حیصه‌لرینین داغیلماسی سببین‌دن اوندان ایسته‌نیله‌ن کیمی ایستیفاده ائتمک مومکون اولمور. لاکین تعمیر و برپا اولوناراق اوندان کندین تحصیل مرکزی و یا سرحد بازارچاسی کیمی ایستیفاده ائتمک مومکوندور. بو بینا حال – حاضردا مدنی ارث و توریزم تشکیلاتینین دقت مرکزینده‌دیر. بو کاروانسارانین اردبیل اوستانلیغین‌دا یئگانه ۴ ایوان‌لی بینا اولماسی سببین‌دن، تعمیر – برپا اوزره تدقیقات‌چیلاری، دیزاینرلر، تشکیلاتچیلار و آرخئولوقلار اونون تعمیری، محافظه‌سی و برپاسی مسئله‌سینین حددن آرتیق اهمیت‌لی بیر ایش اولدوغونو بیل‌دیریرلر. همچینین بو قدیم معمارلیق عابده‌سینین تاریخین بیر حیصه‌سی اولماسی و ایسلام تورپاغینین اخلاصلا قورونماسین‌داکی خاطره‌لری باخیمین‌دان اونون آدینین میللی اثرلر سیاهی‌سین‌دا اوئید اولونماسی خصوصی اهمیت کسب ائدیر.