آلمانییانین سیمنس قارداشلاری آذربایجانین گدبی رایونون‌دا پارلاق ایز بوراخیبلار. ۱۹-جو عصرین اورتالارین‌دا آذربایجانین بو بؤلگه‌سین‌ده میس یاتاقلاری تاپیلان‌دان سونرا بیر جانلانما یاشاندی. ۱۸۵۵ - ۱۸۵۶-جی ایللرده یئرلی صاحیبکارلار گدبی‌ده زاوود تیک‌دیلر. ۱۸۶۵-جی ایلده آلمان ساهیبکار فون سیئمئنس بو زاوودو ساتین آلدی. او گون‌دن بری گؤزل گدبی‌ده سیئمئنس-این یادیگارلاری یئر آلماغا باشلادی.

آخار. آذ خبر وئریر کی، عادی یوللارین الوئریشسیزلیینی گؤره‌ن "سیمنس" شیرکتی جنوبی قافقازدا ایلک دفعه اوزونلوغو ۲۸ کیلومتر اولان و گدبیی قالاکندله بیرلشدیره‌ن دمیریولو چکدی. دؤرد لوکوموتیو و ۳۳ واقونون حرکت ائدجیی دمیریولونا علاوه کیمی داش کؤرپولر سالیندی. رلیئفه اویغون اولاراق، کؤرپولرین سایی آرتدی. کیچیک بیر اراضی‌ده کؤرپو سایی ۷-یه چاتدی.

بو، ایریلی-خیردالی، کؤرپولرین بعضی‌سی ایندی ده ساپ-ساغلام تأثیر باغیشلاییر. بعضی‌سی ده آرتیق چؤکمکده‌دیر. اونلاردان ان سئچیله‌نی ائل آراسین‌دا "قانلی کؤرپو" دئییلندیر. یئرلی ساکینلرین سؤزلرینه گؤره، یئددیتاغ‌لی بو کؤرپو اؤز آدینی بیر بدبخت حادثه‌دن گؤتورور: فهله‌لرله دولو قطار معدن‌دن قاییدارکن همین کؤرپودن آشیر و هامی اؤلور. "قانلی کؤرپو" او گونلرین - همین اولایین یادداشلارداکی ایزی‌دیر.

کؤرپونون اوستون‌ده گزرکه‌ن ایندی ایزی قالان رئلس آرالاری او دؤوردن قالما اریمیش مئتال قیرینتیلارییلا دولودور. ۱۵۰ ایله یاخین یاشی اولان بو و دیگر عابده‌لرین وارلیغین‌دان، ساده‌جه، یاخین کند ساکینلرینین خبری وار. اونلار دا، عادتا، بو اراضی‌ده مال-قارا، قویون-قوزو اوتاردیقلاری اوچون.