سورقو: نه اوچون آذربایجان تورکلریندن تهران مجلیسینه سئچیلمیشلرین سؤزونه فارس حاکیمت اورقانلاری قولاق آسمادیقلاری نین یانی سیرا بونلارین آذربایجان تورکلوگونه وئردیکلری سؤزلر و وعده لر ده کاغیذ اوزره قالاراق و اهمیتسیز ساییلار؟

جاواب: حاکیمیتچیلیک مسئله سی دیل و مدنیت اساسلی سیاسی بیر سیستیم مسئله سیدیر. سیاسی سیستیملر اؤز اساسلارینی اولوشدورموش دیلی و مدنیتی اساس گؤتوردوکلری اوچون حاکیم دیل و مدنیته ترس یوخسا رقیب اولان دیل و مدنیتلری امنیتی بیر مسئله ائتمکله حاکیم دیلین و مدنیتین آغالیغینی قوروماغا چالیشلارلار. دئمک، کئچمیش یوز ایلده ایران ممالیکی محروسه سینده کی امنیتی مسئله لرین هامیسی نین اساسیندا فارس دیلی و مدنیتی نین آغالیغی نین توخونولمازلیغی اساس گؤتوروله رک مختلیف یاناشمالارلا بو دیل و مدنیتلرین آزادلیغی امینیتی مسئله دئیه قلمه آلینار. بئله لیکله فارس حاکیمیت سیستیمی قالیبینه سیغماغان بوتون وعده، وعیدلر و بؤیوک سیاستلر فارسلیق مسئله سی باخیمیندان امنیتی قلمه آلیناراق اونلار ساواجاغا وئریله رک اؤنمسیز و اهمیتسیز قلمه آلینار.