سورقو: بیلیدیگینیز کیمی گونئی آذربایجاندا فارس حاکیمیتینه باغلی اولان، مذهبی سیاسته وسیله ائدن قوروپلار فارسلیق و فارس حاکیمیتی سیاستینی آذربایجان جمهوریتینده یئریتمگی اؤزلرینه بیر هدف دئیه قلمه آلدیقلاری اوچون "آذربایجان سالام اولسون، کیشی مسلک دلیرانه ..." کیمی نوحه لری تراختور کلوبو آدینا یایماغا چالیشار و آذربایجان تورکلوگو مفکوره سینی فارسلیق کؤلگه سینده ساخلاماغا چالیشارلار. بو دوغرولتودا نه ائتمک اولار؟

جاواب: آذربایجان تورکلوگو آغیرلیقلی اولاق مسلمان و شیعه اولدوقلاری اوچون بیر چوخلاری نوحه بابیندا دئییلمیش شعر و شعارلارین ایچریک و محتواسینی دئییل، قولاغی اوخشایاجاق و نوازش ائده جک سسی ائشیتمک ایستلر.

آذربایجان ملی حرکتی ایسه شعر و شعار اساسیندا دئییل، دیل و مدنیت بیلینجی و شعورو اساسیندا اؤزونو تانیملادیغی و تعریف ائتدیگی اوچون فارس حاکیمیتی و فارس حاکیمیتینه وسیله اولموشلارین بو وسیله ایله آذربایجان ملی حرکتینی تضعیف ائده بیلجک قابیلیتلری اولمادیغینا باخمایاراق آذربایجان تورکلوگو شعر و شعار مسئله سیندن بیلینج و شعور مسئله سینه دقت ائتمه لی و آذربایجان دؤلتچیلیگی و ملی حرکتینی کؤلگه-ده بوراخابیلجک هر هانکی ایستعمارچی و استثمارچی داورانیشلارا وسیله اولماقدان اوزاق دورماغا چالیشمالیدیر.