گیزلی یوللارلا ایران‌دان آمریکایا آپاریلان تاریخی و مدنیت عابده‌لرینین بیر پارچاسی اولان گیل لؤوحه‌لر قایتاریلمالی‌دیر.

آذرتاج خبر وئریر کی، بو سؤزلری ایران پارلامنتینین مدنیت کمیته‌سینین صدری فاطمه ذولقدری دئییب. او بیلدیریب کی، گیل لؤحه‌لر ایرانین قدیم تاریخینی و مدنیتینی اؤزون‌ده عکس ائتدیره‌ن تاریخی سندلردی.

بو گونه کیمی ایران حکومتینین سعیلری ایله اهمه‌نیلر ایمپرییاسینا (ائرادان اول ۷۰۵-۳۳۰-جو ایللر) عایید اولان ۱۷۸۳ گیل لؤحه ایرانا قایتاریلیب. حکومت اونلارین هامی‌سینین قایتاریلماسی ایستیقامتین‌ده فعالیت گؤستریر.

خاطیرلاداق کی، ۱۹۳۷-جی ایلده بیر قروپ آمریکا آرخئولوقو ایرانین پرساپولیس شهری یاخینلیغین‌دا قازینتی ایشلری حیاتا کئچیره‌رک علمی آراشدیرما آپاریبلار. قازینتیلار زامانی اهمه‌نیلر و ساسانیلر دؤورونه عایید ۳۰ مین گیل لؤحه و بیر چوخ قیمت‌لی اشیالار تاپیلاراق آمریکایا آپاریلیب. ایرانین توریزم و خاریجی ایشلر ناظرلیکلرینین سعیلری ایله ۱۷۸۳ گیل لؤحه قایتاریلیب. لاکین اونلارین چوخ حیصه‌سی هله ده آمریکانین شیکاقو اونیورسیتتینین موزئیین‌ده ساخلانیلیر.

ذولقدری دئییب کی، آمریکا حکومتی بو مدنیت عابده‌لرینی قید شرط‌سیز قایتارمالیدیر.

مسئله نی چتینلشدیره‌ن مقام ایسه اوندان عبارت‌دیر کی، ایران ایله آمریکانین دیپلماتیک مناسیبتلری اولمادیغی اوچون دانیشیقلار و علاقه‌لر اوچونجو دؤولتلر واسطه‌سیله حیاتا کئچیریلیر کی، بو دا آپاریلان ایشی لنگیدیر.