کولت. آذ آذربایجانین گؤرکه‌م‌لی یازی‌چی‌سی فرمان کریمزادنین " تبریز ناموسو" آدلی تاریخی رومانینی تقدیم ائدیر:

اولی بورادا

کؤچور‌ن آینوره مممدووا

بیر نئچه گوندن سونرا اونلار دئلین- بولداک آدلی یئرده اولوسا قوووشدولار.بورداکی آلاچیقلارین هامیسی تکرلی آرابالارین اوستونده قورولموشدو. اوکوزو قوش، آلاچیقدا اوجاق یانا-یانا، قازان قاینایا- قاینایا هارا ایسته ییرسن، گئت. تکجه بیر چادیر یئرده قورولموشدو کی، اونون دا امرینی یئسوگئی باهادیر وئرمیشدی. آروادی حامله ایدی و واختی یئتیشمیشدیز. اودور کی، ایسته ییردی اوغلوو زااارابادا یوخ، تورپاق اوووسستوندهه دوغولسون.

اولوس دا قالانلار توی- بایرام ایچینده ایدی. اولا، گوجلو دشمنلری تیمورچین محو ائدیلمیش، بوتونن وار-دولتی اونلارا قسمت اولموشدو. هله نه قدر نوکر و کنیز گتیرمیشدیلر. ایندی اولوسدا هر کس آغا کیمی یاشایا بیلردی.

یئسوگئی باهادیر چاتان کیمی آرواددینین حالینیی خبر آلدی. دئدیلر کی، بو گون بیر دفعه آغریسی توتوب، اولوسداکی بوتون ماماچالار اونون چادیرینا ییغیلیب، یئسوگئی باهادیرین اوغلونون دوغولماسینی گوزله ییرلر.

یئسوگئی باهادیر امر ائتدی کی، بویوک بیر چادیر قورولسون و بو غلبه ده خدمتلری اولان بوتون ایگیدلر، اولوسون تانینمیش آداملاری اورا ییغیلسین. یئتمیش قازان آسیلیب، گتیریلن حیوانلارین اتیندن خورک بیشیریلسین. سفره یه چیندن گتیریلمیش شرابذان وئریلسین. اوغلوم اولانا قدر، اوندان دا سونرا گونلری کئفله کئچسین- بئله دئدی یئسوگئی باهادیر.
آخشاما یاخین چادیردا یئمک، ایچمک، شنلیک باشلاندی.
نه قدر یئییب- ایچسه ده، اونون گوزو قاپی دان گیرنلرین آغزیندا قالیردی. اوجادان اعلان ائله مه سه ده، اوغلونون اولماسی خبرینی گتیرنه بویوک هدیه لر باغیشلایاجاقدی.
هله کی، بیر خبر یوخ ایدی. او، ایچیب حالا گلمیشدی. اوتوردوغو یئرده باشی ایستییه دوشموش آتین باشی کیمی گئدیب گلیردی. آما چوخ دوزوملو آدام اولدوغونا گوره گوزلری یومولور، یوخوسو گلمیردی. باخیشلاری بویوک آلاچیغین قاپیسینا زیللنمیشدی.
مجلسده کیلر بیشیریلیب اورتالیغا گتیریلمیش ایری سویوتما اتلری گوتوروب، دیری-دیری اودور، دویماق بیلمیردی. یاغلی اللرینی، آغیز- بورونلارینی قوللاری ایله سیلیردیلر.

یئسوگئی دونوب، اونلاری بو وضعیتینده گوردو و باغیردی:

یئیین، یئیین! قوی منیم اوغلومون دوغولماق خبری گلسین، گور سیزه نئچه دایچا، نئچه اینک، نئچه قویون کسه جه یم. عومروموزون آخیرینا کیمی او قدر تیخیشدیراجاقسینیز کی، لاپ پارتلاییب اوله جکسینیز. منیم دولتیم چوخدو. سیزین قیلینجینیز سایه سینده او قدر غنیمت گتیرمیشیک، اولمایان کیمی! یئیین!

بیزیم یوخ، بویوک یئسوگئیین ایگیدلییینی و عاغلی سایه سینده بو قدر غنیمت آلمیشیق. یاشاسین یئسوگئی!

باغیرتی، گورولتو قالخدی و آغیز دئیه نی قولاق ائشیتمه دی. بیردن چادیرین قارشیسیندا نوکرلریندن بیری گوروندو. او چوخ هیجانلی ایدی. بو هیجاندا هم سئوینج، هم ده غمگینلیک واردی.

داوامی وار