Axar.az
یوخاری
20 فئورال 2020


تبریز ناموسو- تاریخی رومان-۲۴-جی حیصه

آنا صحیفه کولت
12 Punto 14 Punto 16 Punto 18 Punto

کولت. آذ آذربایجانین گؤرکه‌م‌لی یازی‌چی‌سی فرمان کریمزادنین " تبریز ناموسو" آدلی تاریخی رومانینی تقدیم ائدیر:

اولی بورادا

کؤچور‌ن آینوره مممدووا

شامان!
شامان اوشاغا یاخین گلدی. ماماچادان اونو بئشییه قویماسینی طلب ائله یندن سونرا دیز چوکوب، اللرینی گویلره قالدیردی.

ای گویلرین صاحبی اولان تانریمیز! آخی، نورون طایفاسی سنین قانیندان یارانیب و سنین گوستردییین یوللا گئده رک، سنین ساینده بو قدر خوشبخت گونلره دچار اولوب. دئ، ائی تانریم، بو کورپه نین اوجونداکی ندیر؟ سنین اونا بخش ائتدییین بختین نشانه سیدیرمی؟ اجازه وئر، کورپه اووجونو آچسین کی، بیزه گوندردییین خوشبختلییی اوز گوزوموزله گورک.

شامان گوزلرینی یوموب، خیلی گوزلدیکدن سونرا قالخیب، اوشاغین اوستونه اییلدی و اونون بارماقلارینی آچماغا باشلادی.
بارماقلار آچیلدی، شامان بالاجا ایگیدین اووجونو آتاسینا گوستردی. اورادا قارا جییر پارجاسی کیمی قوروموش بیر پارچا قان واردی.
آتاسی سوروشدو:

اوشاغین اووجو یارادیرمی؟

یوخ، بویوک حکمدار. تانرینین نشانه سیدیر. اوغلون دونیایا اووجو دولو قانلا گلیب. او، قانلی یوللا دا اولسا، دونیا حکمدارینین تاخت- تاجیناااا یئتیشه جک.

یئسوگئی باهادیر آرتیق شبهه ائتمیردی. او کورکونون جیبیندن بیر دری کیسه چیخارتدی. شامانین گوزلری همین کیسه ده قالدی. کیسه دکی قیزیللاری ماماچایا آتدی. شامانی باخیشلارینی سئزن باهادیر دئدی.

سنین پایین اوندان دا آرتیق اولاجاق. ایندی اوشاغا آد قویماقققق لازیمدیر. دئ گورک آدینی نه قویاق، شامان؟!

آدینی؟ ائله آد اولمالیدیر کی، اوزونه ، آتاسینا، نسلینه اویغون اولسون. چوخ آدلار وار. اولو باباسی بودوچار...

دایان- دئیه باهادیر شامانی ساخلادی. سن ایندی نورون طایفاسینداکی بوتون آدلاری سایاجاقسان. یوخ، یوخ اونلار هامیسی یاشایی صاحبلری ایله گئدیبلر. بو اوشاغا ائله آد وئرک کی، اونلاردان دا آرتیق اونو یاشاتسین و دونیایا تانیتسین.

تاپدیم، - دئیه شامان دیللندی.- تانری تای...

اول بو سوز آتانین خوشونا گلدی. اما بیر آن فیکیرلشندن سونرا قورخویا دوشدو.

یوخ، بو تانرییا حورمتسیزلیک اولار. نئجه بویوک حکمدار اولسون دا، تانرییا تای اولا بیلمزسن. تانرینین غضبینه گلریک و اوزونو بیزدن دوندرر.

شامان خیلی فیکیرلشدی. نه قدر آدلار سادالادیسا دا، یئسوگئی راضیلاشمادی. آخیردا اوزو تکلیفینی وئردی. من تاتار طایفاسینی محو ائتدیم. تورپاقلارینی، یایلاق و اوتلاقلارینی، مال- قاراسینی، وار- دولتینی آلدیم. آروادلارینی و قیزلارینی اسیر گتیردیم. اونلارین آدلارینی دا آلیم، قوی آدسیز یاشاسینلار. اغلومون آدینی قویورام تیمورچین- چین دمیری! چین دمیری محکم اولور. هم ده تاتارلار اورک ائله ییب، بیر ده بو آدی اولادلارینا قویمایاجاقلار. دونیایا اووجوندا بیر پارجا لاختا قانلا گلن کورپه نین آدی تیمورچین اولدو.
ایللر اوته جک، او بویویوب حاکمیتی اله آلاجاق، دونیادا چوخ قان توکه جک و او زامان اونو داها بیر تزه آدلا- چنگیز خان دئییب چاقیراجاقدیلار. او واختا هله چوخ واردی...

داوامی وار

تاریخ
2020.02.15 / 10:08
مولف
Axar.az
شرح لر
دیگر خبرلر

مؤولانه موزئیینی ۱ ایلده ۳ میلیون ۴۶۴ مین توریست زیارت ائتدی

قدیم تورک طایفالاری -رامییان قیزیلباشلاری

داهی آذربایجان شاعری نیظامینین پورترئتی نئجه یارانیب؟

قوشاچای‌دا آشیق فئستیوالی کئچیریل‌دی

اویغورلار کیملردیر؟ - ویدئو

ایران‌دا مباریزه قیزیشیر: آذربایجان‌لیلار حرکته کئچیر

نووروزون اونودولموش عادت-عنعنه‌لری-شال ساللاماق

«آتابای» فیلمینین آکتیورون‌دان ایران کینوسو ایله باغلی شوک آچیقلاما -ویدئو

تبریز ناموسو- تاریخی رومان-۲۶-جی حیصه

تورک ائللرینین الیفبا خریطه‌سی - فوتو

خبر خطّی
 
Axar.az'da reklam Bağla
Reklam
Bize yazin Bağla