ماراغا گونو قوتلو اولسون اردیبهشت آیینین اون آلتیسی (۱۶) ماراغا گونو آدلانیب.

ماراغا شهریندن دانیشاندان بیر تاریخ دن دانیشماقدیر. بو شهردن آد آپاراندا ، ایفتیخارلی گئچمیشی خاطیرلاماقدیر. ماراغا آدی ، رصد خانا آدیلا باغلانیب ، یعنی اوز زامانیندا دونیانین ان اونملی علمی شهرلریندن بیری کیمی ماراغا شهریندن آد آپارماق اولار. ماراغا آدی گلنده صلابتلی سهند داغی فیکیره قونور سهند دیرکن بویوک میللی شاعیر «بولود قره چورلو» او ده یرلی و تایسیز اینساندان آد آپارماماق ، تاریخ حاققیندا جفا ائدمک دیر.

آدلیم شاعیریمیز شهریار نه گوزه ل و نه یئرلی بولودین حاققیندا دئمیش« شاه داغیم ،چال پاپاغیم، ائل دایاغیم شانلی سهندیم، باشی طوفانلی سهندیم»
ماراغادان آد آپارار کن بویوک اینسانلاردان دانیشماق لازیمدیر . او اینسانلاردان کی تاریخ واراقلاریندا ، اونلارین آدی پارلاییر.

ماراغادان دیمک گوزه ل سویوق چایینین دورولوغو و بو شهرین و اوندا یاشایان اینسانلارین صاف لیغیندان دئمک اولار.

درین فیکیرله شنده گورورم بو شهره دوغرو و یئرلی آد یعنی ماراغا آدی وئریلیب.

نیه کی بو شهر عشق و سئوگی شهری ، علم و ادبیات شهری ، بویوک عالیم و سیاست چی لر شهری ، بویوک موباریز لر شهری و جنت میثالی گوزل و تایسیز بیر شهردی