کولت. آذ "اؤیرتمه اؤزونه، اؤیرتمه منی" شعیرینی تقدیم ائدیر:
تالعیین قیسمتی راست سالدی بیزی.
یولوموز هارداسا قیریلاجاق‌سا،
ایتیرجییک‌سه بیر-بیریمیزی،
خاتیرم یادین‌دا قالمایاجاق‌سا،
بو اللر منیمکی اولمایاجاق‌سا،
بو تئللر منیمکی اولمایاجاق‌سا
سن الله، اؤزونه اؤیرتمه منی،
هیجران قوخوسویلا گؤینتمه منی.
الی‌می ساچینا اؤیرتمه بئله،
گؤزومو گؤزونه اؤیرتمه بئله،
اوزومو اوزونه اؤیرتمه بئله.
من بیر آز باهارلی بوداق کیمییه‌م،
بیر آز دا سادلؤوح اوشاق کیمییه‌م.
بالا آناسینا قوووشان کیمی،
لئی‌لک یوواسینا یوووشان کیمی،
آری گول-چیچه‌یه اویوشان کیمی،
ائه، من ده آداما تئز یوووشانام،
سئوگی آتشین‌ده تئز آلیشانام،
اما کی، سؤنمییم چوخ چتین اولور –
سئوگی‌دن دؤنمییم چوخ چتین اولور،
اؤیرتمه اؤزونه، اؤیرتمه منی.
بلکه گؤزله‌میردیک بو خوش گؤروشو،
یامان قریبه‌دیر دونیانین ایشی.
هئچ واخت یوللارین‌دا دایانمادیغین،
هئچ هندورین‌ده دولانمادیغین
گلیب بیردن سنه نه شیرین اولور!
عؤمرونون ایچین‌ده عؤمور دوغولور.
بو شیرینیم آجی اولاجاق ایسه،
بیر قیسمت چیچییم سولاجاق ایسه،
اؤیرتمه اؤزونه، اؤیرتمه منی.
کؤنلوم‌ده یئرین وار، قوپماز یئرین‌دن،
بیر اکیز لچیی، هاچا بوداغی
آییرماق اولمورسا بیری-بیرین‌دن،
منی ده آییرماق چتین‌دیر آخی.
اؤیرتمه اؤزونه، اؤیرتمه منی.
یوخ بونا تقاتیم، یوخ بونا تابیم
الی‌می الین‌دن اوزمک عذابیم،
سونرا بو عذابا دؤزمک عذابیم…
یوخ‌سا دا، کؤنلومون سینیقلاری وار،
هیجرانین کؤز باسمیش یانیقلاری وار -
منیم دردلریمین آیاقلاری وار -
هاردا اولسا گلیب تاپاجاق منی،
یاخیب-یان‌دیراجاق بو اوجاق منی.
گل منی اؤزونه اؤیرتمه بئله،
الی‌می الینه اؤیرتمه بئله،
گؤزومو گؤزونه اؤیرتمه بئله…