حمام ۱۹-جو عصرین اوللرین‌ده ۱۸۰۶-جی ایلده کربلایی حمید عبدالله طرفین‌دن آستارا رایونونون ارچیوان قصبه‌سین‌ده تیکیلیب.

آخار. آذ خاتیرلادیر کی، سککیز گونبزدن عبارت اولان حمام یومورتا ساریسی و اوجاق کولونون قاریشیغین‌دان حاضیرلانمیش معمولاتلا چی کرپیجدن هؤرولوب. بیر زامانلار ارچیوان‌لیلارا، هم ده قونشو کندلرین ساکینلرینه خیدمت ائد‌ن حمام‌دان هفته‌نین ایکی گونو قادینلار، قالان گونلری ایسه کیشیلر ایستیفاده ائدیبلر.

بینانین ایسیدیلمه‌سین‌ده اساساً اودوندان ایستیفاده ائدیلیب. توستونون باییرا چیخدیغی کاناللار حمامین حجره‌لرین‌دن بیرینین دؤشه‌مه‌سی بویو کئچه‌رک علاوه ایسیتمه فونکسییاسینی دا حیاتا کئچیریب.

حمام کاروان یولونون اراضی‌سین‌ده یئرلشدیین‌دن بورادان سییاهلار و تاجیرلر ده یارارلانیبلار.

سووئت حاکمیتی دؤورون‌ده حمام یئرلی کالخوز طرفین‌دن ایشلدیلیب. حمام‌دان الده اولونان وسایت کالخوزون علاوه گلیری کیمی ایستیفاده اولونوب. کالخوز سیستئمینین لغوین‌دن سونرا حمامی کند ساکینلریندن بیری قیسا مدت‌ده ایشلدیب.

اهالینین هم ده اونسیت یئری اولان ارچیوان حمامی سونونجو دفعه ۱۹۸۰-جی ایلده تعمیر ائدیلیب و همین ایلین سونونا کیمی یئرلی اهالینین ایستیفاده‌سین‌ده اولوب.

حال-حاضردا تأسف کی، باخیمسیزلیق اوجباتین‌دان برباد وضعیته دوشوب و حمامین فعالیتی دایانیب.