«اینان‌سا، تبریز دئییل» شعیریم سئچیلمیش اثرلریمین ۲۰۰۸-جی ایلده نشر اولونان ۳-جو جیلدین‌ده یئر آلیب. تبریز و گونئی آذربایجانلا باغلی «خبر گؤزلییرم»، «یوللار آچیلاجاق»،»تبریز خیابانی» کیمی اونلارلا شعیر و پوئمالار قلمه آلمیشام.

بو سؤزلری Axar.az-آ خالق شاعری صابیر روستمخانلی "اینانسا، تبریز دئییل" شعیرینین یئنی اولماسی ایله باغلی ادعالارا آیدینلیق گتیررکن دئییب.

«چوخ ایستردیم کی، «تبریزله گؤروش» شعیریم ده بو شکیلده یاییلسین. رحمتلیک سهراب طاهیر زارافاتیانا دئیردی کی، سن گونئی‌دن اولماسان دا، گونئی‌لیلردن چوخ یازمیسان. اصلینده، نه فرقی وار کی، من ده سرحدده دوغولموشام. سرحدین آغریلارینی عمروموز بویو یاشامیشیق. بو، بیزیم اوچون اونودولماسی ممکن اولمایان بیر مسئله‌دیر. ۳۵ میلیون خالقی شعرده دئییلدیی کیمی اریتمک اولماز، اونو اونوتدورماق اولماز. تبریز ده گونئی آذربایجان دا بونا دؤزمز. گونئی آذربایجاندا گئدن پروسسلری ایزلییرم. اومید ائدیره‌م کی، بو حرکات بیر نتیجه وئره‌جک".

قید ائدک کی، تبریزده و ایرانین دیگر شهرلرین‌ده فارس رژیمینه قارشی آیلاردیر سوسماق بیلمه‌یه‌ن اعتراض آکسییالارینین داوام ائتدیی بیر عرفه‌ده صابر روستمخانلینین «اینانسا، تبریز دئییل» شعری سویداشلاریمیزین معنوی دستیینه چئوریلیب.