بو گون ایران انقلابینین بانی‌سی، اسلام رسپوبلیکاسینین ایلک رهبری روح‌اللاه خمینی‌نین دوغوم گوندور.

Kult.az خبر وئریر کی، روح‌اللاه مصطفوی موسوی خمینی ۱۹۰۲-جی ایل سنتیابرین ۲۴-ده ایرانین ایندیکی مرکزی ایالتینین خمین شهرینده دونیایا گلیب.

اوشاق یاشلاریندان دینی مدرسه‌لرده عرب دیلی و ادبیاتی، منطیق، فقه، اصول و باشقا علملری اؤیره‌نه‌ن خمینی ۱۹۱۹-جو ایلده اراک علمییه مدرسه‌سینه قبول اولونوب. بورادا بیر مدت تحصیل آلان خمینی سونرا قم شهرینده علمییه مدرسه‌سینه داخیل اولوب.

او، ۱۹۵۸-جی ایلده ایالت، ولایت جمعیتلرینین قورولماسی و شاهین قبول ائتدیی ۶ مادده‌لیک مترقی قانونون قوه‌یه مینمه‌سی ایله شاه علیهینه مباریزه‌یه باشلاییب.

خمینی بؤیوک ملکدار و فئوداللارین منافعینی قوروماق اوچون حاکمیتین ۱۹۶۱-جی ایلده تورپاق اصلاحاتلاری آپارماسی، ائلجه ده تورپاقلارین کندلیلره وئریلمه‌سینی غیری-اسلامی حرکت آدلاندیراراق۰ خالقی بو اصلاحاتا قارشی چیخماغا سسله‌ییب.

بو تشببوسو ایله ایونون ۵-ده رادیکال ملاپرستلرله حاکمیت آراسیندا قانلی قارشی‌دورمالارا سبب اولان خمینی حبس ائدیله‌رک تهران‌داکی عشرت آباد حربی حبسخاناسینا آپاریلیب.

همین دؤورده اونا قارشی داها جدی جزانین، حتی اؤلوم حکمونون وئریلمه‌سی مذاکیره ائدیلدیی زامان آذربایجانلی مرجع تقلید و نفوذلو دین خادیمی بونا قارشی چیخیب، محمدرضا شاهی بو فیکریندن یاییندیرا بیلیب.

عینی زامان‌دا، اعدام حکمونون آوتوماتیک قوه‌دن دوشمه‌سی مقصدیله شریعتمداری باشقا بیر نئچه نفوذلو دین خادیمینی خمینییه "آیت اللاه" دینی روتبه‌سینین وئریلمه‌سینه قانع ائدیب. بونونلا دا گله‌جکده اؤزونون ان قاتی رقیبی و دوشمه‌نینه چئوریله‌جک روح‌اللاه خمینینین حیاتینی قورتاریب.

۱۹۶۵-جی ایلین ۴ نویابریندا تورکییه‌یه سورگون ائدیلن خمینی بیر مدت اورادا قالدیقدان سونرا عراقا کئچیب و نجف شهرینه یئرلشیب. او، بورادا ۱۳ ایل سورگون حیاتی کئچیریب.

سورگون ایللرین‌ده خمینینین پهلوی حاکمیتینه مخالیف اولماسینا باخمایاراق، دایما حاکمیت طرفیندن مادی دستک گؤروب، رفاه ایچینده یاشاییب.

پهلوی حاکمیتینین طلبیندن سونرا عراق‌دان فرانسایا گؤندریله‌ن خمینی بورادا ایران حاکمیتینه قارشی اولان مخالیف تشکیلات و شخصلرین دستییندن یارارلانیب.

همین واخت آمریکا، اینگیلتره نماینده‌لری و خصوصی خیدمت اورگانلارینین امکداشلاری اونونلا علاقه‌یه گیریب، حاکمیته گتیریلدیکدن سونرا اؤلکه‌لرینین ماراقلارینا توخونمایاجاغی قارشیلیغیندا ایران‌دا رژیمین دییشدیریلمه‌سی، خمینینین اؤلکه‌یه باشچی اولاجاغی اوچون دستک وئرمه‌یه حاضر اولدوقلارینی بیلدیریبلر.

همین دؤور پهلوییه مخالیف قوه‌لر، او جمله‌دن، مارکسیست جریانلار و خالق مجاهیدلری تشکیلاتی ایران اهالی‌سینین دینی دویغولارینی نظره آلاراق خمینییه جدی دستک وئریبلر.

۱۹۷۹-جو ایلده ایران‌دا باش وئرن انقلابدان سونرا تهرانا قاییدان خمینی اؤنجه حاکمیتده گؤزو اولمادیغینی دئسه ده، قیسا مدت عرضینده رادیکال ملاپرستلرین، دین آداملارینین و ساده کوتله‌نین دستیی ایله حاکمیته ییه‌لنیر و ایرانین رهبری ایستاتوسونو قازانیر.

او، انقلابین غلبه ایله نتیجه‌له‌نمه‌سین‌ده امیی اولان بوتون تشکیلات و سیاسی شخصلره، همچینین، اونون حیاتینی خلاص ائتمیش آیت اللاه کاظم شریعتمدارییه قارشی رپرسییالارا ال آتیر.

حاکمیتینین تهلوکه‌ده اولدوغونو گؤره‌ن و سیاسی رقیبلری سوسدورماغین یوللارینی آختاران خمینی ایلک گونلردن "اسلام انقلابینین اخراجی" نظریه‌سینی ایر‌لی سورور، نظریه‌نین بوتون دونیادا، خصوصاً، اورتا شرق‌ده اسلام انقلابینین یاییلماسینین واجیبلیینی بیلدیریر.

بو نظریه‌نین حیاتا کئچیریلمه‌سی اوچون ایلک هدف عراق سئچیلیر. خمینی "قدس‌ون یولو کربلادان کئچیر" شعاری ایله عراقا سیاسی مداخیله و حربی هجوما اساس وئریر.

ایران-عراق محاربه‌سی باشلامادان اول عراق حکومتی ب.ام.ت-یه ایران قوه‌لرینین بو اؤلکه‌نین سرحدلرینی پوزدوغو، سرحد پوستلارینا چوخسایلی هجوملاری ایله باغلی دفعه‌لرله فاکتلار تقدیم ائدیب، شیکایتلنیب.

ایکی اؤلکه آراسیندا محاربه‌نین باشلاماسی ایله خمینی محاربه‌نین یاراتدیغی عمومی هیجان و شرایط‌دن ایستیفاده ائد‌رک اؤلکه داخیلینده اولان بوتون رقیبلرینی سرعتله آرادان گؤتورمه‌یه باشلاییب.

همین ایللرده و محاربه‌نین بیتمه‌سیندن بیر نئچه گون سونرا خمینینی بیرباشا گؤستریشی ایله مینلرله سیاسی فعال اعدام ائدیلیب.

رسمی رقملر اعدام ائدیله‌نلرین سایینین ۴ مین اولدوغونو گؤسترسه ده، غیری-رسمی ایستاتیستیکا بو سایین اون مینلرله اولدوغونو بیلدیریر.

۸ ایللیک محاربه دؤورونده عراق حکومتینین صولح باره‌ده مراجعتلرینی دفعه‌لرله رد ائد‌ن روح‌اللاه خمینی اؤلکه‌نین مادی و اینسان رسورلاری توکندیی اوچون ب.ام.ت-نین ۵۹۸ نمره‌لی قطعنامه‌سینی قبول ائتمه‌یه، اؤزونون ایفاده‌سی ایله "زهری ایچمه‌یه" مجبور اولور.

بوندان سونرا جدی ضربه آلان و اولکی نفوذونو ایتیره‌ن خمینی خسته‌لنیر. او، ۱۹۸۸-جی ایل ایونون ۳-او گئجه ساعتلاریندا تهران‌دا معده خرچنگی دیاقنوزو ایله معالیجه اولوندوغو خسته‌خانادا هلاک اولور.

خمینی‌نین اؤلوموندن سونرا دا اونون "اسلام انقلابینین اخراجی" نظریه‌سی حاکمیتین، خصوصیله رادیکال کسیم طرفیندن داوام ائتدیریلمکده‌دیر.

خمینینین حاکمیته گلیشی ایله اورتا شرق‌ده قانلی محاربه‌لر و داخلی چکیشمه‌لر باشلاییب. بو چکیشمه‌لر هله ده داوام ائتدیی اوچون بیر چوخلاری خمینی‌یه اورتا شرقین اؤلوم ملکی آدینی وئریبلر.

اونون "اسلام انقلابینین اخراجی" نظریه‌سینین حیاتا کئچیریلمه‌سی اوچون یارادیلان سیاسی-ایدئولوژی تبلیغات مرکزلری، قورولان ترور تشکیلاتلاری، اورتا شرق‌ده، ایرانلا قونشو اؤلکه‌لرده، خصوصیله آذربایجان رسپوبلیکاسین‌دا هله ده فسادلار تؤرتمکده‌دیر.

بیر چوخ نفوذلو شرح‌چی و سیاسی اکسپرتلر خمینینین حاکمیته گتیریلمه‌سینی آمریکا و اینگیلتره‌نین اورتا دوغو ایله باغلی پلانلارینین ترکیب حیصه‌سی اولدوغونو، خمینینین بونونلا باغلی آدیچکیلن اؤلکه‌لره سؤز وئردیینی یازیرلار.

ایران حاکمیتینین آمریکایا قارشی کسکین چیخیشلارینا باخمایاراق، آمریکانین ایللردیر کؤرفز بؤلگه‌سینده یئرلشمه‌سی، گونو-گوندن بؤلگه‌ده قوه‌لرینین آرتیریلماسی خمینی و اونون ارث قویوب گئتدیی ملا حاکمیتینین عمللرینین نتیجه‌سیدیر.

خصوصاً، ۲۰۲۳-جو ایلین ۷ اوکتیابریندا حماس ترور تشکیلاتی‌نین اسرائیله هجوموندان سونرا خمینی‌نین ارث قویدوغو ایدئولوگیاسنین فسادلاری یئنی‌دن اؤزونو گؤسترمه‌یه باشلاییب.

حاضردا غزادا باش وئرن فاجعه، هلاک اولان مینلرله سیویل فلسطینلی، اصلینده خمینی ارثی‌نین قورونوب ساخلانیلماسی و علی خامنی‌ای طرفین‌دن حیاتا کئچیریلمه‌یه چالیشیلماسی‌نین نتیجه‌سی‌دیر.

عرب اؤلکه‌لری و مدنی دنیا محمود عباسین باشچی‌لیق ائتدیی فلسطین دولتی‌نین یارادیلماسینی و تانینماسینی مقبول حساب ائتدیی حالدا، علی خامنه‌ای‌نین بونا قارشی چیخماسی دا روحوللاه خمینی‌نین ایر‌لی سوردویو نظریه‌نین داوامیدیر.