گنج معلملر آسوسیاسییاسینین تشببوسو ایله «آنا دیلی – آذربایجان مکتبی» لاییحه‌سینین تقدیماتی کئچیریلیب.

Axar.az خبر وئریر کی، اوشاق-گنجلر انکشاف مرکزینده کئچیریلن تقدیماتدا دونیانین ۲۰-دن چوخ اؤلکه‌سینی تمثیل ائد‌ن دیاسپورا تشکیلاتلارینین نماینده‌لری ده اشتراک ائدیب.

قید اولونوب کی، تدبیر «آنا دیلی – آذربایجان مکتبی»نین خاریجده یاشایان هموطنلریمیز آراسیندا تبلیغینه حصر اولونوب.

«آنا دیلی – آذربایجان مکتبی» اؤلکه‌میزدن کناردا یاشایان، مختلیف یاش گروپلاریندان اولان سویداشلاریمیز اوچون آذربایجان دیلینده مسافه‌دن اؤیره‌نمه امکانینی تعمین ائد‌ن لاییحه‌دیر.

آذربایجان گنج معلملر آسوسیاسییاسینین صدری روفعت اسدزاده لاییحه‌نین مقصدی باره‌ده سؤز آچیب:

«لاییحه‌نین اساس مقصدی خاریجده یاشایان آذربایجانلیلارین و اولادلارینین آنا دیلینی داها یاخشی منیمسه‌مه‌سی‌دیر. بیز ایستییریک کی، آنا دیلینی اؤیرتمکله میللی-معنوی دیرلریمیزی ده تبلیغ ائدک. لاییحه‌ده مکتبلی یاش گروپونا عایید اوشاقلار اشتراک ائده بیلر و اشتراک تمامیله اؤدنیشسیزدیر. همچینین اونو دا قید ائدیم کی، قیدیات ۱۲ آوگوستا قدر داوام ائد‌جک».

روفعت اسدزاده لاییحه‌نین تشکیلاتچی کمانداسینین آذربایجان دیلی ایله یاناشی، روس و اینگیلیس دیللرینی ده یوکسک سوییه‌ده بیلدیکلرینی خصوصیله وورغولاییب.

«آنا دیلی – آذربایجان مکتبی»نین مزمون اوزره رهبری الاهه حاجییئوا ایسه بیلدیریب کی، صینیفلرده شاگیرد سایی مینیموم ۱۰، ماکسیموم ۱۵ اولاراق نظرده توتولوب.

قید ائدک کی، «آنا دیلی – آذربایجان مکتبی»نین تدریس پروگرامی ۳ یاش گروپو اوچون ۳ سوییه‌ده (باشلانغیج، اورتا، یوکسک) اؤلکه‌میزین تاریخی، ادبیاتی، جغرافییاسی و مدنیتی حاقیندا اطرافلی معلوماتلارین داخیل ائدیلدیی موضوع‌لار اساسیندا حاضیرلانیب. ۲۰۲۳-۲۰۲۴-جو تدریس ایلینی احاطه ائد‌جک پروگرام چرچیوه‌سینده ویرتوال درسلره بو ایلین ۱۵ سنتیابر تاریخیندن باشلانیلاجاق.

درسلر تجروبه‌لی متخصصلر طرفیندن اینتراکتیو تعلیم متودو اساسیندا اؤنجه‌دن معین اولونموش گرافیک (جدول) اوزره هفته‌ده ۲-۳ دفعه اولماقلا ویرتوال اؤیره‌نمه پلاتفورماسی واسطه‌سیله اونلاین قایدادا تشکیل ائدیله‌جک.

ایولون ۷-دن اعتباراً باشلایان قیدیات پروسسی ۱۲ آوگوست ۲۰۲۳-جو ایل تاریخیندک بو پلاتفورما واسطه‌سیله آپاریلاجاق.