حیدر علیئو فوندو، آذربایجان رسپوبلیکاسی مدنیت ناظرلیی و آذربایجان یازیچیلار بیرلیینین تشکیلاتچی‌لیغی ایله کئچیریلن واقیف پوزیا گونلری ایولون ۱۴-ده شوشادا داوام ائدیر.

Kult.az خبر وئریر کی، واقیف پوزیا گونلرینین اشتراکچیلاری تدبیر چرچیوه‌سینده «تورک دنیاسینین مدنیت پایتاختی»ندا تاریخی مکانلاری زیارت ائدیبلر.

اکسکورسیا ملی خالچا موزئیینین شوشا فیلیالیندان باشلاییب. بورادا قوناقلارا معلومات وئریلیب کی، ملی خالچا موزئیینین شوشا فیلیالیندا سرگیلنه‌ن صنعت اثرلری قدیم قاراباغ تورپاغینین روحونو، عصرلرله بورادا یاشاییب-یاراتمیش انسانلارین، او جمله‌دن صنعتکارلارین حیات و معیشتینی، استتیک ذوقونو، بدیعی دنیاگؤروشونو دویماغا امکان یارادیر.

سونرا قوناقلار حیدر علیئو فوندو طرفیندن برپا ایشلری آپاریلان ساعتلی مسجدینده اولوبلار. اونلارا معلومات وئریلیب کی، بورادا کونسرواسیا و رستاوراسیا ایشلری مسجدین ایلکین معمارلیق اسلوبونا اویغون آپاریلیر. اشغال زمانی مسجده ائدیلن مداخله‌لر آرادان قالدیریلیر.

همچینین، قوناقلار حیدر علیئو فوندو طرفیندن برپا ائدیلن یوخاری گؤوهر آغا مسجدینی زیارت ائدیب، مسجدین اراضی‌سینده‌کی مدرسه بناسیندا «میر محسن نواب قاراباغی – ۱۹-جو عصرین انسیکلوپدیک عالمی» سرگیسی ایله تانیش اولوبلار.