واقیف پوئزیا گونلری چرچیوه‌سینده شوشانین سئویلن مکانلاریندان بیرینده – ناتوانین ائوی قارشیسیندا «دؤوری-صدا» آدلی کنسرت پروگرامی تقدیم اولونوب.

Kult.az خبر وئریر کی، کنسرت چرچیوه‌سینده امکدار آرتیست وقار جمالزاده‌نین ادوار سیستمی اوزره بسته‌لدییی ۸ موسیقینین قدیم موسیقی آلتلری آنسامبلینین ایفاسیندا تقدیماتی اولوب.

ادوار شرق موسیقی‌سینده «سیستم‌چیلیک» آدی ایله مشهور مکتبین بانیسی اولان صفی‌الدین اورموینین یارادیجیلیغینین شرق موسیقی نظریه‌سی ساحه‌سینده ان بؤیوک نائلیتیدیر. ادوار سیستمی ایله آذربایجان، ائلجه ده بوتون شرق موسیقی‌سینین اساسینی تشکیل ائد‌ن سس کمپلکسلری سیستمی قایدایا سالینیر.

کنسرتده خالق آرتیستلری نزاکت تیمورووا، طیوب آصلان‌او، امکدار آرتیست فرقانه قاسیمووا، خاننده‌لر روشن ممداو، حسین ملیک‌او، آیسئل ابراهیمووا و دیگرلری ملا پناه واقیفین غزللری ایله یاناشی، خاقانی شیروانی، عمادالدین نسیمی، محمد فضولی، میر حمزه نیگاری، میر مؤحسوم نواب، نظامی گنجوی، شاه اسماعیل خطاینین اؤلمز اثرلریندن پارچالار ایفا ائدیب، هر ایفادان اول ایسه قراعتچیلر غزللردن پارچالار تقدیم ائدیبلر.

اینجه‌صنعت استالارینین بیر-بیریندن ماراقلی ایفالاری ایزله‌ییجیلرین ذوقونو اوخشاییب. کنسرت پروگرامی ماراقلا قارشیلانیب.