استیون اسپیلبرگین رژیسورلوغو ایله چکیلمیش "یادپلانتلی" علمی-فانتاستیک فیلمی عایلوی ایزلمه اوچون ان یاخشی اکران اثری کیمی سئچیلیب.

Kult.az خبر وئریر کی، بو معلومات «سینما» کانالیندا تقدیم اولونان عائله نماییشی اوچون سئچیلمیش فیلملرین عمومی سیاهیسیندا یئر آلیب.

"یادپلانتلی" اکران اثرینده اساس روللاری هنری توماس، دی اولس و دریو بریمور جانلاندیریبلار. سوژته گؤره، یادپلانتلیلرین تدقیقات گروپونون عضولریندن بیری تصادفه‌ن یئرده قالیر. اساس پرسوناژ اللیوت قارداش و باجیسی ایله بیرلیکده اونون ائوه قاییتماسینا کمک ائتمه‌یه چالیشیرلار.

۱۹۸۲-جی ایلده تقدیم اولونان "یادپلانتلی" فیلمی جورج لوکاسین «اولدوز دؤیوشلری» فیلمینین رکوردونو اوسته‌له‌یه‌رک گلیر باخیمیندان اؤن پله‌ده قرارلاشا بیلیب. فیلم «ان یاخشی اوریژینال موسیقی» و «ان یاخشی ویزوال افکتلر» نومیناسییاسی داخل اولماقلا دؤرد «اسکار»، ایکی «قیزیل گلوبوس» و بئش «ساتورن» مکافاتینا لایق گؤرولوب.

بو سیاهی اوزره ایلک اوچلوکده اولان نؤوبتی ایکی فیلم ایسه کریس کولامبوسون «هری پوتر» اکران اثرینین بیرینجی حصه‌سی و ریچارد دونرین "آوام" کومدییاسیدیر.