بو گون خالق آرتیستی، دولت مکافاتی لاورئاتی، «شهرت» ، «شرف» و «استقلال» اوردنلی آکتیور راسیم بالایئوین ۷۵ یاشی تمام اولور.

Kult.az خبر وئریر کی، او، ۱۹۴۸-جی ایل آوگوستون ۸-ده آغسو رایونوندا آنادان اولوب.

صنعتکار ۱۹۶۹-جو ایلده آذربایجان دولت اینجه‌صنعت اینستیتوتونو بیتیریب. او، ایلک دفعه باکی کینوستودییاسیندا «اولدوزلار سؤنمور» اثرینده کیچیک بیر رولدا چکیلیب. اوینادیغی «نسیمی»، «بابک» و «دده قورقود» فیلملرینده‌کی روللاردا اصل تاماشاچی سئوگیسینی قازانیب. «آذربایجانفیلم» کینوستودییاسینین نزدینده فعالیت گؤستره‌ن کینواکتیور تئاتر ایستودییاسیندا دا چالیشیب. بؤیوک و چتین روللاردان علاوه راسیم بالایئو کیچیک روللاردا دا اویناییب. خالق آرتیستی "اؤزبک فیلم"، "موس فیلم" و دیگر کینوستودییالاردا فیلملره چکیلیب.

۱۹۹۰-جی ایلده‌ن ۲۰۱۳-جو ایله قدر آذربایجان کینئماتوگرافچیلار اتفاقینین کاتیبی، ۲۰۲۲-جی ایل مایین ۳۱-دن آذربایجان کینئماتوگرافچیلار اتفاقینین صدری کیمی فعالیته باشلاییب.

راسیم بالایئوین کینو صنعتینه حصر ائتدیی معنالی یارادیجی‌لیق یولو نئچه-نئچه گنج آکتیور نسلی اوچون ده اصل صنعت مکتبیدیر. «ان یاخشی کیشی رولو»نا گؤره نمیناسییانین قالیبی اولاراق، عؤمور بویو بیر آکتیورون آلا بیله‌جکلرینی راسیم بالایئو یالنیز نسیمی رولونا گؤره آلیب. همین عرفه‌ده اونون ۲۵-۲۶ یاشی واردی. آکتیور ۳۱ یاشیندا ایسه بابک رولونو اویناییب.

گؤرکملی صنعتکار آردیجیل اولاراق آلمانییادا، تورکییه‌ده، ایران‌دا، تاجیکیستان‌دا، اوستییادا، چچنلرین ایلک کینوسوندا، اؤزبکیستاندا، مسکوادا، گرجستان‌دا اکرانلاشدیریلان ۷۰ فیلم‌ده سانباللی روللاری ایفا ائدیب. او، یالنیز مثبت قهرمان کیمی سئویلمه‌ییب، هم ده جمعیتده‌کی منفی تیپلری تاماشاچینین گؤزو قارشیسیندا بوتون چیلپاقلیغی ایله جانلاندیریب.

راسیم بالایئو ۳۴ یاشین‌دا آرتیق آذربایجانین خالق آرتیستی ایدی. چونکی نسیمینین دریسی سویولاندا او عذابی سیماسیندا وئره بیلسین دئیه اووجونون ایچین‌ده ساخلادیغی میثماری وار گوجو ایله سیخیب اتینه پرچیمله‌یه‌جک قدر صنعتینی سئویردی. میثمار اونون اووجونو پارچالادیقجا نسیمی دریسی سویولارکن یاشادیغی جیسمانی عذابی یاشاییب و بو، اوندا طبیعی آلینیب. یاخود «قاطیر محمد» فیلمینده گؤیوش اونو وورارکن چمن‌لییه ییخیلیر و چابالاماق ایستییر کی، بو واختا قدرکی فیلملرده گوله دیه‌ن کیمی ییخیلیب اؤلمک اولماسین. آخی اینسان یئره ییخیلیر، چابالاییر و جانینی تاپشیریر. راسیم اؤزونو چمن‌لییه چیرپاندا بیلمه‌ییب کی، اوتلارین آراسینداکی چاپیق داش اونو نئجه یارالایاجاقسا چابالاماغا طاقتی قالمایاجاق آغریدان.

اونون کینو مدنیتیمیزین اینکیشافیندا گؤستردیی خیدمتلر و بو یؤنده قازاندیغی اوغورلار اونو دئمه‌یه اساس وئریر کی، او، ۷۵ ایللیک عمرونون اساس حیصه‌سینی صنعته حصر ائدیب.