آوگوستون ۸-ده آذربایجان کینو صنعتینین گؤرکملی نماینده‌سی، خالق آرتیستی راسیم بالایئوین آنادان اولماسینین ۷۵ ایللیی تامام اولوب.

Kult.az خبر وئریر کی، بو باره‌ده مدنیت ناظیرلییندن معلومات وئریلیب.

قید اولونوب کی، اونون آذربایجان مدنیتینین انکشافیندا خدمتلری دؤولتیمیز طرفیندن یوکسک قیمتلندیریلیب. پرزیدنت ایلهام علیئوین ۷ آوگوست ۲۰۲۳-جو ایل تاریخلی سرانجامی ایله صنعتکارین «استقلال» اوردئنی ایله تلطیف ائدیلمه‌سی ده بو دقت و قایغینین داها بیر نمونه‌سیدیر.

خالق آرتیستی راسیم بالایئوین آنادان اولماسینین ۷۵ ایللیی مناسبتله بو گون مدنیت ناظیرلیینده صنعتکارلا گؤروش کئچیریلیب. ناظر عادیل کریملی راسیم بالایئوی تبریک ائدیب، محکم جانساغلیغی، یئنی یارادیجیلیق اوغورلاری آرزولاییب، صنعتکارا ناظیرلیین فخری دیپلمونو تقدیم ائدیب.

آکتیورون آذربایجان کینماتوگرافییاسینین انکشافینا تحفه‌لرینی یوکسک قیمتلندیرن ناظر اونون چوخ‌سایلی فیلملرده جانلاندیردیغی یادداقالان اوبرازلارلا تاماشاچیلارین درین سئوگی‌سینی قازاندیغینی دقته چاتدیریب. قید اولونوب کی، راسیم بالایئوین چکیلدیی اکران اثرلری ملی کینوموزون «قیزیل فوندو»نو تشکیل ائدیر.

راسیم بالایئو یارادیجی‌لیغینا گؤستریلن دقته گؤره میننتدارلیغینی ایفاده ائدیب، بوندان سونرا دا کینو صنعتینین انکشافینا تحفه وئرمه‌یه چالیشاجاغینی دئییب.

سوندا خاطره شکلی چکدیریلیب.