ایرانین "سازندئگی" قزئتین‌ده آذربایجان دیلی نؤوبتی دفعه تحقیر ائدیلیب.

Kult.az خبر وئریر کی، قزئت‌ده شاهنامه‌شوناس کیمی تقدیم اولونان جواد رنجبر درخشیلر آدلی تدقیقاتچینین تحقیر دولو مقاله‌سی درج ائدیلیب.

او، کئچمیش پرزیدنت حسن روحانی دؤورونده تاسیس ائدیلمه‌سی نظرده توتولان، لاکین هله ده تاسیس ائدیلمه‌یه‌ن تورک دیلی آکادمییاسینین تهلوکه‌لی اولدوغو باره‌ده ادعالار سسلندیریب.

مقاله مؤلفی دیل آکادمییاسینین مدنی قورومدان داها چوخ سیاسی قوروم اولدوغونو دئیه‌رک، بئله بیر آکادمییانین تاسیس ائدیلمه‌سینی میللی تهلوکه‌سیزلیک باخیمین‌دان ضررلی حساب ائدیب:

"تورک دیلی آکادمییاسینین آچیلماسی دوستلاری مایوس ائدیر، ایران دوشمنلرینی سئویندیریر و اومیدلندیریر. بو ایسه اؤزلویونده بئله بیر قورومون تاسیس ائدیلمه‌سینین سهو اولدوغونو گؤستریر».

تورک دیلینی محدود بیر بؤلگه‌نین و آزلیغین دیلی آدلاندیران مؤلف بونون اوچون هانسی‌سا قورومون یارادیلماسینین لازیمسیز اولدوغونو ادعا ائدیب و بیلدیریب کی، یالنیز "میللی دیل"این (فارس دیلی) اینکیشافی و یاییلماسی اوچون علم و مدنیت خادیملری سفربر ائدیلمه‌لیدیر:

"تورک دیلی آکادمییاسینین یارادیلماسینین هئچ بیر راسیونال، تاریخی و سیاسی اساسی یوخدور. بو قورومون وظیفه‌لری حاقین‌دا دئییله‌نلرین هامی‌سی اعتبارسیزدیر و جاهیل‌لیکدن، غرضد‌ن ایر‌لی گلیر".

قید ائدک کی، "سازندگی" قزئتی کارگزارلار پارتییاسینین اورگانی‌دیر و کئچمیش پرزیدنت هاشمی رفسنجانینین ایدئیالارینی تبلیغ ائدیر. قزئت بوندان اول بیر نئچه یازیسیندا دا تورک میللتینی تحقیر ائدیب