آذربایجان ادبیاتینین گؤرکملی نماینده‌سی، معاصر آذربایجان پویزییاسینین تانینان سیماسی، شعیرلری، پوئمالاری سئویله-سئویله اوخونان، پیئسلری تاماشاچیلارین رغبتینی قازانمیش، امکدار اینجه‌صنعت خادمی زینال خلیلین وفاتیندان ۵۰ ایل اؤتور.

Kult.az خبر وئریر کی، او، ۱۹۱۴-جو ایلده گنجه شهرین‌ده صنعتکار عائله‌سینده دوغولوب.

هر زامان اؤز شعیرلرینده آغری و محبتله آتاسینی یاد ائد‌ن زینال خلیل یئددی یاشیندا ایکن آتاسینی ایتیریب. ارکه‌ن امک فعالیتینه باشلایان زینال خلیل ۱۹۳۲-جی ایلده آذربایجان دولت پداقوژی اینستیتوتونون دیل و ادبیات فاکولته‌سینه داخیل اولوب. شعیره، صنعته اولان هوه‌سی هله طلبه‌لیک ایللریندن اؤزونو بوروزه وئریب. زینال خلیلین یارادیجیلیغی دئمک اولار کی، تاریخی قهرمانلیق کئچمیشیمیزدن توتموش («کوروغلونون قوجالیغی)، اینقیلابی کئچمیشیمیزه (قاطیر مممد)، بؤیوک وطن محاربه‌سینه («تاتیانا» پویماسی و بیر سیرا شعیرلر) و لاپ سون گونلره قدر احاطه ائدیر. شاعرین قلمه آلدیغی شعیرلری ده اوخوجولار طرفیندن همیشه رغبتله قارشیلانیب. بونون ایسه سببی اونون شعیرلرین‌ده‌کی ایستی‌لیک، اور‌یه یاتیملیلیق، جوشقون احتیراس و لیریک احوال-روحییه‌دیر.

زینال خلیلین بیر دراماتورق کیمی ده ادبیاتیمیزین اینکیشافیندا خیدمتلری چوخ‌دور. اونون ایلک پیئ‌سی «انتقام» بیر چوخ تئاترلاردا تاماشایا قویولوب. «قاطیر مممد» پیئ‌سینین ده صحنه حیاتی چوخ اوغورلو اولوب. ائله بو سبب‌دن، همین درامین موتیولری اساسیندا بدیعی فیلم ده چکیلیب. بو فیلمین آردینجا ایکینجی دونیا محاربه‌سی ایللرینده دؤیوش‌چولرین قهرمان‌لیغینی ترنم ائد‌ن اثرلری - «یهرلیین آتلاری»، «۴۱۶»، «دؤیوشچونون وصیتی» کیمی شعیرلری، «تاتیانا» آدلی پویماسی دیللر ازبرینه چئوریلیب.

سؤزلرینه بستلنمیش ماهنیلار بو گون ده سئویله‌رک دینلنیلیر، نسیلدن-نسله اؤتورولور. بو جهتدن هئچ واخت دیللردن دوشمه‌یه‌ن، موسیقی‌سی سولطان حاجیبیووا مخصوص «کیملر گلدی، کیملر گئتدی»، موسیقیسی ائمین ثابیتوغلویا مخصوص «بو گئجه»، «آی ایشیغیندا» (قنبر حسین‌لی) و س. نغمه‌لر یاشادیقجا، دینلنیلدیکجه زینال خلیل روحو دا یاشاییر.