بو گون خالق آرتیستی آفاق بشیرقیزینین دوغوم گونودور.

Kult.az خاطیرلادیر کی، او، ۱۹۵۵-جی ایلده باکی شهرینده، خالق آرتیستی بشیر سفراوغلونون عائله‌سینده آنادان اولوب.

۱۹۷۴-۱۹۷۹-جو ایللرده آذربایجان دولت اینجه‌صنعت اینستیتوتون‌دا تحصیل آلان آفاق بشیرقیزی آکتیورلوق فعالیتینه ۱۹۷۳-جو ایلده لنکران دولت درام تئاترین‌دا باشلاییب. ائله ایلک روللاریندان اؤزونو ایستعدادلی، ایشگزار، صحنه‌یه بؤیوک محببتله باغلی، دایم آختاریشدا اولان صنعتکار کیمی گؤستره‌رک، تاماشاچیلارین درین رغبتینی قازانیب.

آفاق بشیرقیزی ۱۹۷۵-جی ایلده سومقاییت دولت درام تئاتریندا ایشله‌مه‌یه باشلاییب. اساساً، کومیک روللارین ایفاچیسی کیمی داها دا اوستالاشیب، سومقاییت تئاترین‌دا کلاسیک و معاصر دراماتورقلارین اثرلرینده باش روللاری ایفا ائد‌رک شهرت قازانیب. اونون «بخت اوزویو» تاماشاسیندا یاراتدیغی سؤیلو اوبرازی اؤز کولوریتینه، توتومونا، یوکسک بدیعی کیفیتلرینه گؤره نمونه‌دیر. عینی آدلی فیلمین خالق طرفیندن سئویلمه‌سینده ده آکتریسانین خیدمتلری بؤیوکدور.

۱۹۸۹-جو ایلده آفاق بشیرقیزی موسیقیلی کومدییا تئاترینا دعوت آلیب و ایشلدیی ایلک گوندن تاماشالاردا باش و اساس روللاری ایفا ائد‌رک بیر-بیریندن ماراقلی اوبرازلار یاراتماغا نایل اولوب.

آفاق بشیرقیزی تئاتر یارادیجیلیغی ایله یاناشی بیر سیرا کینو و تلویزییا تاماشالارین‌دا دا چکیلیب. بونلاردان «بخت اوزویو»، «ائولری کؤنده‌لن یار»، «یاشیل عینکلی آدام»، «نکرولوق» و سایرین آدلارینی قید ائتمک اولار.

آفاق بشیرقیزی آذربایجان تئاتر صنعتینین و کینماتوگرافییاسینین انکیشافین‌داکی خیدمتلرینه گؤره ۱۹۸۹-جو ایلده «امکدار آرتیست»، ۱۹۹۳-جو ایلده «خالق آرتیستی» فخری آدلارینا لاییق گؤرولوب. او، ۲۰۱۳-جو ایلده «شهرت» اوردنینه، ۲۰۱۵-جی ایلده پرزیدنتین فردی تقاعدونه لاییق گؤرولوب.

خالق آرتیستی، همچینین، ۲۰۱۵-جی ایلده «آذربایجان رسپوبلیکاسی پرزیدنتینین فخری دیپلومو» ایله تلطیف ائدیلیب.