بو گون خالق آرتیستی شاهمار علی‌اکبرووون آنادان اولماسیندان ۸۰ ایل اؤتور.

Kult.az خبر وئریر کی، او، ۲۳ آوقوست ۱۹۴۳-جو ایلده گنجه شهرینده آنادان اولوب.

او، آذربایجان اینجه‌صنعت اینستیتوتونون آکتیورلوق فاکولته‌سینده رضا طهماسب‌-ین کورسون‌دا تحصیل آلیب. هله اوچونجو کورسدا اوخویارکن "اوستالار" تاماشاسیندا قازاندیغی اوغوردان سونرا بؤیوک تاماشاچی آودیتورییاسینین رغبتینی قازانیب.

شاهمار علی‌اکبروو "آذربایجان فیلم" کینو استودییاسین‌دا آکتیور و رژیسور(کارگردان) کیمی فعالیت گؤسته‌ریب.

تحصیلینی باشا ووردوقدان سونرا معلم-آسیستنت کیمی اینستیتوتدا ساخلانیلیب. او، رادیودا ایلک دفعه "اولدوز" پروگرامینین آپاریجی‌سی کیمی چیخیش ائدیب.

بوندان باشقا، اونلارلا تئلئویزییا تاماشاسیندا یادداقالان اوبرازلار یارادیب، "ملا نصرالدین" رادیو وئریلیشینین آپاریجی‌سی اولوب، بیر چوخ فیلملرین دوبلاژیندا اشتراک ائدیب.

شاهمار علی‌اکبرووون یارادیجی‌لیق بیوگرافییاسیندا ائله فیلملر وار کی، اونلار میللی-معنوی دَیرلریمیزین ان قیمتلی نمونه‌لری سیراسیندادیر.

«داغلاردا دؤیوش» فیلمی ایله باشلایان ایلک آکتیور کاریراسینی غضنفر ("یئددی اوغول ایسته‌رم")، اوغول ("انتظار")، ایمان ("آخیرینجی آشیریم")، عاریف ("حیات بیزی سیناییر")، آزاد ("باکی‌دا کولک‌لر اسیر")، قاتیر مممد ("گنجه‌باسارلی قیصاصچی")، فیضی ("فیرنگیز")، گوندوز کریملی ("آرخادان وورولان ضربه")، جاویدان ("بابک")، نورو ("غریبه آدام")، طاهر ("گؤزله منی")، خالیق ("قوجالار، قوجالار...")، جومشود ("آوگوست گلنده")، ابراهیم ("آتلاری یهرلیین") کیمی اوبرازلار بیر-بیرین‌دن فرق‌لی، کاراکتر و دونیاگؤروشجه مختلیف اینسانلاردیر.

شاهمار علی‌اکبروو کینودا رژیسور کیمی ده سؤزونو دئییب.

اونون بو ساحه‌ده ایلک ایشی گولبنیز عظیم‌زاده ایله بیرگه چکدیی "امتحان" فیلمی اولوب. سونرا "ساحل‌سیز گئجه"نی چکیب. شاهمار علی‌اکبرووون سناریسی اساسیندا اکرانلاشدیریلان "غزلخان" فیلمی ده اوغورلو آلینیب. بو فیلم آذربایجانین گؤرکملی شاعری واحیدین حیات و یارادیجیلیغینین مختلیف آنلارینی جانلاندیریر.

خالق آرتیستی، دؤولت مکافاتی لاورئاتی (آلیجیسی)شاهمار علی‌اکبروو ۱۹۹۲-جی ایل آوگوستون ۱۲-ده وفات ائدیب.