بو گون گونئی آذربایجان‌دان اولان تنقیدچی، ادبیاتشوناس علی ناظیمین آنیم گونودور.

Kult.az خبر وئریر کی، محمودزاده الکبر محمود اوغلو (علی ناظیم) ۱۹۰۶-جی ایلده تبریز شهرین‌ده آنادان اولوب.

ایلک تحصیلینی تبریزین "مدرسه نجات" آدلی مکتبین‌ده آلان علی ناظیم ۱۹۱۶-جی ایلده باتومی‌ده یاشایان عائله‌سینین یانینا گئدیب، اورادا روس دیلینی اؤیرنیب.

۱۹۲۲-جی ایلده صمد آغاوغلونون باتومی‌ده یئنی الیفبا کمیته‌سی تشکیل ائتدیی زامان کمیته‌نین ایشین‌ده فعال ایشتیراک ائد‌ن علی ناظیم همین ایلده باکییا کؤچوب، بورادا پئداقوژی تکنیکوم‌دا اوخویوب. تکنیکوم‌دا اوخودوغو ایللرده "یئنی یول" و "کوممونیست" قزئتلرین‌ده مقاله‌لر درج ائتدیریب.

۱۹۲۵-جی ایلده پطربورگون شرق شناس‌لیق اینستیتوتونا داخیل اولان علی ناظیم تحصیلینی داوام ائتدیرمکله یاناشی تنقیدی فعالیتینی ده داوام ائتدیریب. اونون معاصر ادبیاتین آکتوال پروبلملرینه دایر مقاله‌لری باکی‌داکی "کوممونیست"، "معاریف و مدنیت" قزئتلرینده ایشیق اوزو گؤروب.

۱۹۳۰-جو ایلده او، آسپیرانتورانی اعلا قیمتلرله بیتیره‌ن ا.ناظیم آذربایجان سووئت یازیچیلاری اتفاقی ایداره هئیتینین و بیر سیرا مطبوعات اورگانی رداکسییا هئیتینین عضوو اولوب، روس دیلینده نشر اولونان "ادبیات انسیکلوپدییاسی"نین شعبه رداکتورو کیمی فعالیت گؤستریب، بورادا آذربایجان و تورک ادبیاتی حاقین‌دا مقاله‌لر درج ائتدیریب.

ناظیمین یارادیجیلیق یولونو و تکامولونو اؤیره‌نمه‌یه خصوصی ماراق گؤستردیی یازی‌چیلاردان بیری جعفر جبارلی اولوب. اونون "آلماز"، "یاشار"آ دوغرو (۱۹۳۵)، "جعفر جابارلینین یارادیجیلیق یولو" (۱۹۳۴–۳۵)، "جعفر جبارلی" (۱۹۳۵) آدلی مقاله‌لری موجوددور.

بیر چوخ ادبیاتشونس و تنقیدچینین فیکرینجه، علی ناظیم ادبی تنقید ساحه‌سین‌ده میرزا فتحعلی آخوندزاده، جلیل مممدقولوزاده و میرزه الکبر صابیرین یولونو داوام ائتدیریب.

علی نا­ظیم ۱۹۳۷-جی ایلین مارت آیین‌دا آذر­بایجان سسر جی­نای­ات مجل­له‌­سی­نین ۷۲-۷۳-جو مادده‌­له­ری ایله تق­صیر­لی بی­لی­نیب. او، مارتین ۱۷-ده حبس ائدیلیب و ائوینده آختاریش آپاریلیب.

اس.اس.ار.ای عالی مح­ک­مه‌­سی­نین حر­بی کول­­­­گ­­­ی­اسینین سیار س­سی­آ­سی ۱۳ اوکتیابر ۱۹۳۷-جی ایل تا­ریخینده کئچیردیی ۱۵ دق­­­ی­­قه‌لیک مح­ک­مه اجلا­سین­دا علی نا­­­ظی­م ۱۰ ایل مد­تین­ه آزاد­­ل­ایق­­­دان مح­روم ائدیلیب.

تبریزده دونیایا گلن ادبیات‌چی عالیم ۱۹۴۱-جی ایل آوگوستون ۲۳-ده باکی‌دا گولللنیب. ۱۹۵۰-جی ایلده ایسه اؤلوموندن سونرا براعت آلیب.