شرقی آذربایجان ایالتینین ماراغا شهرینین آهق کندی اراضی‌سین‌ده ۹ میلیون ایللیک یئنی فوسیللر آشکارلانیب.

Kult.az خبر وئریر کی، بو باره‌ده ماراغا اطراف موحیطین محافظه‌سی ایداره‌سینین باش‌چی‌سی غلامرضا زارعی معلومات وئریب.

او بیلدیریب کی، آهق کندین‌ده آپاریلان قازینتی زامانی زورافه، آت، مارال و کرگدان قالیقلاری اوزه چیخیب:

"اوزون‌لوغو ۲ کیلومتردن آرتیق اولان یئنی فوسیل ساحه‌سین‌ده آپاریلان قازینتی‌دا یئرین ۱۵ متر درینلیین‌دن اونورغالی حیوانلارین اونلارلا کلله سوموکلری، چنه‌لری، بوینوزلاری و ب. اورقانلاری آشکار ائدیلیب"،- زارعی بیلدیریب.

قئید ائدک کی، ایندییه قدر ماراغانین شرقین‌ده ۴۰ کیلومترلیک فوسیل ساحه‌سی معین ائدیلیب و یئنی قازینتیلارلا بیرلیک‌ده غربده ده فوسیل بؤلگه‌سینین ساحه‌سی آرتیب.

اؤتن ایللرده بو اراضی‌ده سککیز تدقیقات قازینتی‌سی آپاریلیب و اونورغالی حیوانلارین ۲۰۰۰-ا یاخین فوسیلی الده ائدیلیب.

ماراغا فوسیل بؤلگه‌سی ۷-۱۲ میلیون ایللیک اونورغالی فوسیللرینین یوکسک سیخ‌لیغینا گؤره دونیانین ان اهمیت‌لی فوسیل ساحه‌لرین‌دن بیری اولاراق تانینیر. ایلک فوسیللر ۱۷۰ ایل اول روسلار طرفین‌دن بو بؤلگه‌دن چیخاریلیب.

ایران و اورتا شرقین «فوسیل جننتی» کیمی تانینان ماراغا فوسیل بؤلگه‌سی ورزغان، شبیستر، سرسکند (هشترود) و جلفا فوسیل بؤلگه‌لری ایله بیرلیک‌ده پالئونتولوگییانین ان واجیب مرکزلرین‌دن و منبع‌لرین‌دن بیری حساب اولونور.

ماراغا فوسیل ساحه‌سی ۲۰۰۴-جو ایلده سهند داغی بؤلگه‌سینین ترکیب حیسه‌سی اولاراق طبیعی و میللی سروتلر سیاهی‌سینا سالینیب. آنجاق علمی و تاریخی اهمیت‌لی بؤلگه‌نین ساخلانیلماسی و تدقیقی اوچون گرکلی وسایت آیریلماییب.